Türkiyədə 6,1 bal gücündə zəlzələ: Yaralı sayı artdı - VİDEO/YENİLƏNDİ

Zəlzələ nəticəsində 22 nəfər yaralanıb.

Publika.az xəbər verir ki, onlardan 4-ü evə buraxılıb.

Xəstəxanada müalicə olunan digər yaralıların isə ümumi vəziyyəti yaxşıdır.

***

Türkiyənin Balıkesir vilayətində baş vermiş zəlzələ nəticəsində 3 nəfər yaralanıb.

Publika.az xəbər verir ki, bu barədə Türkiyənin daxili işlər naziri Ali Yerlikaya məlumat verib.

***

Zəlzələdən sonra heç bir insan ölümü qeydə alınmayıb. Lakin istifadə olunmayan 3 bina və 1 mağaza dağılıb.

❝Daha önce ağır hasarlı olan boşaltılmış binalarımız yıkıldı. Şu an köylerimizde tarama faaliyetlerimiz devam ediyor❞

Balıkesir Valisi İsmail Ustaoğlu, Sındırgı’da meydana gelen depreme ilişkin açıklamalarda bulundu https://t.co/QqDXnhyWYA pic.twitter.com/GF0em0kmxs

— Anadolu Ajansı (@anadoluajansi) October 27, 2025

***

Türkiyənin Balıkesir vilayətində 6,1 maqnitudalı zəlzələnin ardınca, yerli vaxtla saat 23:04-də 4,2 bal gücündə dahabir yeraltı təkan qeydə alınıb. Ard-arda baş verən zəlzələlər nəticəsində dağıntılar baş verib.

Publika.az xəbər verir ki, vilayətin Sındırqı rayonunda boş bir binanın uçduğu bildirilir.

Xəsarət alanlar barədə hələlik məlumat yoxdur.

***

Türkiyənin Balıkesir vilayətində 6,1 maqnitudalı zəlzələ baş verib.

Publika.az xəbər verir ki, bu barədə Türkiyə Fəlakət və Fövqəladə Halların İdarə Edilməsi (AFAD) məlumat yayıb.

Məlumata görə, zəlzələ Türkiyə saatı ilə 22:48-də (Bakı vaxtı ilə 23:48) Balıkesirin Sındırqı rayonunda qeydə alınıb.

Yeraltı təkanların ocağı 5,99 kilometr dərinlikdə yerləşib.

Zəlzələ İstanbul, Bursa və Çanaqqala da daxil olmaqla bir çox şəhərdə hiss edilib.

Dağıntı barədə məlumat yoxdur.