Rəsmi xronika
İlham Əliyev Gürcüstanın Baş nazirini təbrik etdi
![](https://publika.az/storage/2023/10/08/prezident-eliyev.jpg?v1718636279)
Azərbaycan Prezidenti İlham Əliyev Gürcüstanın Baş naziri İrakli Kobaxidzeyə təbrik məktubu ünvanlayıb.
Publika.az xəbər verir, təbrikdə deyilir:
“Hörmətli cənab Baş nazir,
Dost Gürcüstanın milli bayramı – Müstəqillik Günü münasibətilə Sizə və bütün xalqınıza şəxsən öz adımdan və Azərbaycan xalqı adından ən səmimi təbriklərimi çatdırıram.
Azərbaycan-Gürcüstan əlaqələri əsrlər boyu mehriban qonşuluq və qarşılıqlı anlaşma şəraitində yaşamış dost xalqlarımızın sarsılmaz iradəsindən və məramından qaynaqlanır. Dövlətlərarası münasibətlərimizin bu gün yeni vüsət alması, qarşılıqlı inam və dəstəyə əsaslanan tərəfdaşlığımızın müvəffəqiyyətlə inkişaf etməsi və yeni məzmunla zənginləşməsi məmnunluq doğurur.
Strateji əhəmiyyət daşıyan və birgə həyata keçirdiyimiz nəqliyyat, enerji və digər infrastruktur layihələri xalqlarımızın mənafelərinə xidmət etməklə yanaşı, daha geniş regionda – Avrasiya məkanında önəmli amil rolunu oynayır və əvəzolunmaz imkanlar açır.
Əminəm ki, xalqlarımızın rifahı, bölgəmizin sabitliyi və təhlükəsizliyi naminə Azərbaycan-Gürcüstan əlaqələrinin bütün sahələrdə genişləndirilməsi, birgə təşəbbüslərimizin reallaşdırılması, qarşılıqlı faydalı əməkdaşlığımızın və strateji tərəfdaşlığımızın daha da dərinləşdirilməsi istiqamətində birgə səylərimizi bundan sonra da uğurla davam etdirəcəyik.
Bu bayram günündə Sizə möhkəm cansağlığı, işlərinizdə uğurlar, dost Gürcüstan xalqına daim əmin-amanlıq və firavanlıq arzulayıram”.
![Publika.az](https://publika.az/assets/main/image/logo-nav.png)
-
Dünya18:40
Çexiyada hərbi poliqonda PARTLAYIŞ: ölən və yaralananlar var
-
Sağlamlıq18:30
Şəfa tapmaq istəyənlər Bakıdakı qeyri-adi gölə axın edirlər - FOTOLAR
-
Dünya16:55
Qərbə sarsıdıcı cavab: Rusiya bu ölkələrə silah göndərir
-
Hadisə16:43
Lənkəranda İNSİDENT: Vəzifəli şəxsin üstünə benzin töküb yandırmaq istədi
-
Hadisə15:53
Sabiq deputat dəfn olundu - FOTO/YENİLƏNDİ
-
Ekologiya14:59
Əhaliyə XƏBƏRDARLIQ EDİLDİ: İyunun 18-i gündüzdən 20-si axşamadək...
-
Cənubi Qafqaz14:41
ABŞ bazalarının Ermənistanda yerləşdirilməsi... - Moskvadan AÇIQLAMA
-
Magazin214:23
Oktay Kaynarcadan millətçi açıqlama - Ara qarışdı