Rəsmi xronika
İlham Əliyev Gürcüstanın Baş nazirini təbrik etdi
Prezident İlham Əliyev Gürcüstanın Baş naziri Zati-aliləri cənab İrakli Kobaxidzeyə təbrik məktubu göndərib.
Publika.az xəbər verir ki, məktubda bildirilir:
“Gürcüstanın Baş naziri Zati-aliləri cənab İrakli Kobaxidzeyə
Hörmətli cənab Baş nazir,
Gürcüstanda keçirilmiş parlament seçkilərinin nəticələri və ölkənizin aparıcı siyasi qüvvəsi olan “Gürcü Arzusu - Demokratik Gürcüstan” partiyasının qələbəsi münasibətilə Sizi ürəkdən təbrik edirəm.
Bu səsvermə vasitəsilə Gürcüstan vətəndaşları inkişafa, sabitliyə və ənənəvi dəyərlərə öz dəstəyini ifadə etdilər. İnanıram ki, seçkilərin nəticələri Gürcüstanın hərtərəfli inkişafına və çiçəklənməsinə xidmət edəcəkdir.
Eyni zamanda, seçkilərin nəticələrinin tarixən dostluq, qardaşlıq və mehriban qonşuluq şəraitində yaşamış xalqlarımızın iradəsindən qaynaqlanan Azərbaycan-Gürcüstan dövlətlərarası əlaqələrinin davamlı inkişafına, Cənubi Qafqazda və daha geniş coğrafiyada ölkələrimizin mövqelərinin daha da möhkəmlənməsinə töhfə verəcəyinə inamımı ifadə edirəm.
Siyasi dialoqumuzu davam etdirmək üçün Sizi münasib vaxtda Azərbaycana rəsmi səfərə dəvət edirəm.
Əminəm ki, ölkələrimizin və xalqlarımızın firavanlığı, regionumuzun rifahı və təhlükəsizliyi naminə strateji tərəfdaşlığımızın möhkəmləndirilməsi, ikitərəfli və çoxtərəfli qaydada qarşılıqlı faydalı fəaliyyətimizin müvəffəqiyyətlə davam etdirilməsi istiqamətində bundan sonra da birgə səylər göstərəcəyik.
Sizə ən xoş arzularımı çatdırır, dost Gürcüstan xalqına daim əmin-amanlıq və rifah diləyirəm.
Hörmətlə,
İlham Əliyev
Azərbaycan Respublikasının Prezidenti"
-
Region12:35
Ermənistanın hərbi büdcəsi açıqlandı: Görün nə qədər artır
-
Nəqliyyat09:59
Bakı metrosunda nə baş verir? - RƏSMİ AÇIQLAMA
-
ABŞ09:45
Trampın seçicilərlə görüşü zamanı Melania amerikalıları şoka saldı: Qəfildən...
-
Sosial09:38
Ağadadaş Ağayevin işi məhkəmədə - 5 ilə kimi həbs
-
ABŞ09:00
ABŞ-da FACİƏ: senator boş hovuza düşərək ÖLDÜ
-
Dünya07:47
Güclü zəlzələ daha bir ölkəni YERİNDƏN OYNATDI
-
Ekologiya07:17
Bu gün hava necə olacaq? - PROQNOZ
-
Sosial05:45
Azərbaycana ət idxalı kəskin artıb, qiymət isə...