• USD 1,7000 0,00% EUR 1,9423 -0,28%
    • GBP 2,2312 -0,03% RUB 0,0257 0,00%

Bu qış mütləq ispanaq yeyin, çünki...

Bu qış mütləq ispanaq yeyin, çünki...

Orqanizmi gücləndirən ispanaq bir çox faydalı xüsusiyyətlərinə görə möcüzəvi qidalar arasında yer alır. Sağlam qidalanma mütəxəssisləri bu bitkini daha çox payız-qış aylarında yeməyi tövsiyə edirlər. İmmunitet sistemini gücləndirən ispanaq orqanizmi müxtəlif maddələrlə təmin edərək toksin və şlakları bədəndən xaric edir. İspanağın tərkibində insan orqanizminin hüceyrə quruluşu üçün çox vacib olan zülal var.

Lakin təəssüflər olsun ki, bir çox xeyirli xüsusiyyətlərini uzun zaman özündə qoruyub saxlama gücünə malik deyil. Çünki köhnə ispanaq yarpaqlarının tərkibində yüksək miqdarda oksalat turşusu toplanır. Ona görə ispanaq alan zaman yarpaqlarının təzə olmasına xüsusi fikir verin.

Publika.az-ın sağlamlıq bölməsi ispanağın faydalarını təqdim edir.

Qidalandırıcı gücə malik olan aşağı kalorili ispanaq artıq çəki ilə mübarizədə orqanizmin ən yaxın dostudur. Az kalorili olmasına baxmayaraq, pəhriz zamanı halsız olmağa imkan vermir. Xüsusilə hamiləlik dövründə istehlak edilən ispanaq körpəyə güc və enerji verir.

Mütəmadi olaraq istehlak etdikdə zehni gücləndirir və yorğunluğu tamamilə aradan qaldırır. Tərkibindəki beta-karotin və C vitamini sayəsində həzmi asanlaşdırır, qəbizlik problemini aradan qaldırır.

Son illər aparılan araşdırmalar nəticəsində bəlli olub ki, ispanaq xərçəngin inkişafının qarşısını alma gücünə malikdir. Bu, onunla izah edilir ki, tərkibində olan fitonutrientlər xərçəng şişlərinin inkişaf etməsinə imkan vermirlər.

Tərkibində olan yüksək dəmir konsentrasiyasına görə qanda hemoqlobini aktivləşdirərək hüceyrələri oksigenlə təmin edir. O, həmçinin, maddələr mübadiləsini yaxşılaşdırır və orqanizmin enerji istehsalına kömək edir.

Gözəllik məqsədi ilə

İspanaq dəri üçün də olduqca faydalıdır. İspanağın tərkibindəki faydalı maddələr sağlam və parlaq dəriyə sahib olmağımıza yardım edir. O cümlədən, sızanağın müalicəsində geniş istifadə olunur. İspanaq su ilə qarışdırılıb dəriyə tətbiq olunanda sızanaq və iltihabları aradan qaldırır.

İspanaqda olan bol miqdarda mineral və vitamin saçları oksigenlə təmin edir. Dəmir əskikliyi ucbatından yaranan saç tökülməsini də təbii şəkildə müalicə edir. Sümük və dişləri möhkəmlədən ispanaq diş çürüməsinin qarşısını alır.

Aytən

Загрузка...

Xəbər lenti

DAHA ÇOX XƏBƏR