Qadın xəstəliklərinin Çin təbabəti ilə ƏN EFFEKTİV MÜALİCƏSİ

Qadın orqanizmi unikal və əsrarəngizdir. Məhz bu səbəbdən də bir sıra xəstəliklər yalnız qadınların bədəninə hakim kəsilir. Xüsusən də cinsi xəstəliklər, hormonal balanssızlıq demək olar ki, bir çox xanımda müşahidə olunur.

Publika.az xarici mətbuata istinadən xəbər verir ki, bir sıra hormonal xəstəlikləri təbii otların köməyi ilə müalicə etmək mümkündür.

Çin təbabəti dünyanın ən qədim və sinanmış üsuludur. Çinli təbiblər əsrlər boyu insanları təbii vasitələrlə müalicə etməyə üstünlük veriblər. Həmçinin bu vasitələr kimyəvi dərmanlardan fərqli olaraq daha zərərsiz və büdcəyə uyğundur.

Küncüt toxumu hormonal problemləri tənzimləməklə yanaşı, həmçinin dəridə quruluğu aradan qaldırır, görmə qabiliyyətini yaxşılaşdırır. Küncüt toxumunu kokteyllərə əlavə edə, yaxud qızardılmış tərəvəzlərin üzərinə səpib yeyə bilərsiniz.

Amerika jenşeni də hormonları balanslaşdırmaq üçün əvəzsizdir. Xüsusən də stress və əsəblə mübarizə aparır.

Lotos çiçəyinin toxumu həzm prosesini yaxşılaşdırır, depressiyadan xilas edir. Bu ərzağı bişmiş düyü ilə də yemək mümkündür.

Leyla Sarabi