Alimlərdən koronavirusla bağlı ŞOK PROQNOZ: 2022-ci il qədər...

Harvardın bir qrup alimi koronavirusdan sonra dünyanın nə zaman normala dönə biləcəyi tarixi müəyyənləşdirib.

Publika.az xəbər verir ki, alimlərin proqnozları“Science” jurnalında yayımlanıb. Bildirilib ki, xəstəliyə qarşı bir peyvənd və ya yeni müalicə təklif olunmadığı təqdirdə, sosial təcrid tədbirləri 2022-ci ilə qədər çəkə bilər.

Tədqiqatda deyilir ki, sosial məsafə, əlavə müdaxilələr, o cümlədən təcili yardım və terapevtik müalicə imkanlarının genişləndirilməsi xəstəliklə mübarizənin müvəffəqiyyətini artıracaq və əhalidə immunitetin əldə olunmasını sürətləndirəcək. Lakin bu vəziyyətdə də infeksiyanın dirçəlişi 2024-cü ilə qədər mümkün ola bilər.

Harvard alimləri pandemiyanın inkişafı üçün bir neçə ssenarinin müxtəlif kompüter modellərini təhlil etdikdən sonra bu qənaətə gəlib. Onların fikrincə, mövcud məhdudiyyətlərin vaxtından əvvəl ləğvi son nəticədə xəstəliyin ən yüksək həddə çatmasına və daha da dəhşətli nəticələrə səbəb olacaq.

Bu yay xəstələrin azalmasına baxmayaraq, inanırlar ki, koronavirus payızda geri dönəcək və soyuq hava başlanğıcı ilə pisləşəcək. İnfeksiyaya qarşı vaksinlər isə bir ildən daha tez görünməyəcək və 2022-ci ilə qədər bizi “sosial xaric” olmağa məcbur edəcək.

Eyni zamanda, evdə qalıb karantini müşahidə etmək bir neçə mərhələli olacaq. Tədqiqatçılar yeni infeksiyanın baş verməsi səbəbiylə bir çox ölkədə səhiyyə sisteminin dağılmasının qarşısını almaq üçün “sosial məsafə” praktikasının dəfələrlə tətbiq edilməli olduğunu təklif edir. Bu, peyvəndlərin axtarışı və yeni müalicə üsulları üçün vaxt verəcək.

Bundan əlavə, Harvard alimləri hesab edir ki, 2024-cü ilə qədər kütləvi testlər aparmaq lazımdır. Alimlər kütləvi sınaqlara ehtiyac olduğunu söyləyir. Onların fikrincə, zərərçəkmişlərin sağlamlığının vəziyyəti və xəstə olanların immun sisteminin virusa nə qədər müqavimət göstərdiyi barədə əlavə məlumat verəcək seroloji testlərin istifadəsi xüsusi əhəmiyyət kəsb edir.

Epidemioloq və keçmiş ÜST direktoru Daniel Lopez Akuna görə, Harvard alimlərinin proqnozu “eksterimal ssenariddir”. "Bu, virusun inkişafından asılı olacaq", - deyə o, İspaniyanın televiziya kanallarından birinə müsahibəsində bildirib.

Onun fikrincə, peyvənd bir ildən sonra ortaya çıxsa, ssenari o qədər də acınacaqlı olmayacaq. Ancaq virusa peyvənd tapılmazsa və kütləvi şəkildə immunitet qazanılmazsa, özümüzü uzaqlaşdırmağa və kütləvi ictimai fəallığı azaltmağa məcbur olacağıq.

Aytən Məftun