Sosial

Masallıda Vergi İdarəsinin qarşısındakı izdihamın səbəbi nədir? - VİDEO/FOTO

7 Avqust 2023 15:35

Masallı rayonu ərazisində yerləşən 6 saylı Ərazi Vergilər Baş İdarəsinin qarşısında izdiham yaşanıb.

Bu barədə Publika.az-a rayon sakinləri məlumat veriblər. Vətəndaşlar bildiriblər ki, hər gün bu mənzərə ilə rastlaşırıq:

“Millət sosial yardım almaq üçün Azərbaycan Respublikasının Torpaq Məcəlləsinə əsasən, mülkiyyətində olan kənd təsərrüfatı üçün nəzərdə tutulmuş pay torpağının vergisini, yəni 6 manat, 09 qəpik ödəyib. Lakin təsdiq qəbzin ala bilmirlər.

Vergi İdarəsinin işçi sayı az olduğundan insanlar saatlarla növbədə gözləyirlər. Vergilər Nazirliyi bu səlahiyyəti, yəni təsdiq qəbzinin verilməsini "Asan xidmət" və DOST mərkəzinə həvalə etmir. Bugünkü izdiham nəticəsində Masallı rayon 6 saylı Vergi İdarəsinin giriş qapısını sındırıblar”.

Aysel Şahmar