FHN-in Bakı Regional Mərkəzi mülki müdafiə kursları keçirdi - Foto
Bizi izləyin

Sosial

FHN-in Bakı Regional Mərkəzi mülki müdafiə kursları keçirdi - Foto

Fövqəladə Hallar Nazirliyinin Bakı Regional Mərkəzi tərəfindən Mərkəzin əhatə etdiyi ərazi üzrə şəhər və rayon ümumtəhsil orta məktəblərinin və onlara bərabər tutulan təhsil müəssisələrinin mülki müdafiə fənnini tədris edən 2, 5 və 6-cı sinif rəhbərləri üçün mülki müdafiə kursları keçirilib.

Publika.az xəbər verir ki, keçirilən kurslarda Mərkəzin zabitləri ilə rayon fövqəladə hallar və mülki müdafiə şöbələrinin əməkdaşları iştirak ediblər.

Tədbirin keçirilməsində məqsəd məktəblərdə mülki müdafiəni tədris edən sinif rəhbərlərinin bu sahə üzrə bilik və bacarıqlarının artırılması olub.

Kurslarda iştirak edən dinləyicilərə fərdi mühafizə vasitələrindən istifadə, təbii və texnogen xarakterli fövqəladə hadisələr zamanı düzgün davranış, təxliyyə planlarının hazırlanması qaydaları, mülki müdafiə, yanğın və texniki təhlükəsizlik tədbirləri haqqında ətraflı məlumatlar verilib, mövzularla bağlı hazırlanmış fotoslayd və videoçarxlar nümayiş olunub.

Oxumağa davam et
Reklam
Reklam

Gündəm