Sosial

Dövlət işçilərinin maaşı ilə bağlı YENİLİK

21 Yanvar 2026 18:40

Dövlət büdcəsindən maliyyələşdirilən sahələrdə çalışan işçilərin əməyinin ödənilməsinin Vahid Tarif Cədvəli ilə əlaqədar hökumətdə iş aparılır.

Publika.az Trend-ə istinadən xəbər verir ki, bunu Milli Məclisin Əmək və sosial siyasət komitəsinin sədri Musa Quliyev komitənin bugünkü iclasında deyib.

“Dövlət büdcəsindən maliyyələşdirilən sahələrdə çalışan işçilərin əməyinin ödənilməsinin Vahid Tarif Cədvəlinin yeni versiyası təsdiq olunandan sonra sizin dediyiniz məsələyə baxa bilərik”, - deyə komitə sədri deputat Vüqar Bayramova cavab olaraq bildirib.

Məlumat üçün bildirək ki, komitənin üzvü Vüqar Bayramov minimum əməkhaqqının bəzi sektorlar üzrə ayrıca müəyyənləşməsini təklif edib.

Qeyd edək ki, Nazirlər Kabinetinin 26 dekabr 2024-cü il Qərarı ilə Dövlət büdcəsindən maliyyələşdirilən sahələrdə çalışan işçilərin əməyinin ödənilməsinin Vahid Tarif Cədvəli aşağıdakı kimi təsdiq edilib:

Əməyin ödənilməsi dərəcələri	Aylıq tarif (vəzifə) maaşı (manatla)
1	400
2	416
3	433
4	450
5	470
6	490
7	510
8	530
9	550
10	575
11	600
12	625
13	650
14	675
15	700
16	730
17	760
18	870
19	1150