Cənubi Qafqaz

Parlament müxalif deputatın toxunulmazlığını ləğv etdi

26 İyun 2019 19:46

Gürcüstan parlamenti müxalif Vahid Milli Hərəkat Partiyasının deputatı Nika Melianın toxunulmazlığının ləğv edilməsi barədə qərar qəbul edib.

Publika.az “Sputnik Gürcüstan”a istinadən xəbər verir ki, 150 deputatdan 91-i qərarın lehinə səs verib.

Beləliklə, Baş Brokurorluq onun barəsində həbs-qəti imkan tədbirinin seçilməsi üçün məhkəməyə müraciət etmək icazəsi alıb.

Qeyd edək ki, ötən gün Gürcüstanın Baş Prokurorluğu N.Melianın həbsinə razılığın verilməsi ilə bağlı parlamentə müraciət edib. Deputat Tbilisidə iyunun 20-21-də keçirilən aksiyalarda kütləvi zorakılığın təşkili, ona rəhbərlik etməkdə və iştirakda təqsirləndirilir.