Cənubi Qafqaz

Anklavlar məsələsi istənilən halda həllini tapacaq - Erməni nazir

29 May 2023 14:24

Ermənistan hökuməti istənilən danışıqlar ssenarisində həll yollarını tapacaq.

Publika.az "Sputnik Armenia"ya istinadən xəbər verir ki, bunu parlamentdə jurnalistlərə Ermənistan və Azərbaycanın ərazi anklavları üzrə danışıqlara dair sualı cavablandıran Ermənistan ərazi idarəetmə və infrastruktur naziri Qnel Sanosyan deyib.

O əlavə edib ki, bu məsələlərlə bağlı danışıqlar davam edir. Lakin qeyd etmək lazımdır ki, qərarlar hüquqi əsaslarla qəbul edilməlidir. Nazir əlavə edib ki, ərazilərin mübadiləsi ilə bağlı qərarlar qəbul olunarsa, o zaman Ermənistan Gorusdan Qafana gedən yolda olduğu kimi dolama yollar üçün variant tapa bilər.

"Hər iki tərəfdə belə ərazilər var. Yəni bizim də belə ərazilər var. Ona görə də, bütün bu məsələlər kompleks şəkildə həll edilməlidir”, - nazir bildirib.

Mehti Kamiloğlu