Cənubi Qafqaz

Rusiya Ermənistana qaz nəqlini DAYANDIRDI

22 Avqust 2025 12:20

Avqustun 22-si səhər saat 6:00-dan avqustun 23-ü səhər saat 6:00-dək Rusiyadan Ermənistana təbii qazın nəqli bir gün müddətinə dayandırılıb.

Publika.az xəbər verir ki, bu barədə ana strukturu Rusiyanın “Qazprom” şirkəti olan “ Qazprom Ermənistan” şirkətinin saytında məlumat verilib.

Qazın nəqlinin dayandırılmasına səbəb Gürcüstan ərazisindən keçən “Qırmızı Körpü-Sevkar-Berd” tranzit qaz kəmərində təcili bərpa işlərinin aparılması zərurəti olub.

“İstehlakçılara qaz tədarükünün məhdudlaşdırılması nəzərdə tutulmur: itirilmiş həcmlər daxili ehtiyatlar və İrandan əlavə təchizat hesabına tam kompensasiya olunacaq”, - məlumatda bildirilib.

Qeyd edək ki, “Qazprom” Ermənistanın yeganə qaz tədarükçüsüdür. İrəvan Tehrandan qaz alsa da, lakin ondan elektrik enerjisi hasil etmək üçün istifadə edir və təbii qazın hər kubmetri üçün 3 kilovat-saat sürətlə geri ixrac edir, artıq elektrik enerjisini isə özündə saxlayır.