"Ermənistan Rusiyanın “kiçik qardaş”ı deyil, son 4 ildə..."

"Moskva İrəvanı “kiçik qardaş” kimi qəbul etməyi dayandırıb və onu bərabərhüquqlu tərəfdaş hesab edir".

Publika.az xəbər verir ki, bunu Ermənistan Prezidenti Vaaqn Xaçaturyan RTVI-yə müsahibəsində bildirib.

"Rusiyanın Ermənistana münasibəti böyük qardaş və ya kiçik qardaşın münasibətinə bənzəmir, sadəcə olaraq tərəfdaşlıqdır. Son dörd ildə reallıqda buna nail olmağa çalışmışıq", - Xaçaturyan bildirib.

O əlavə edib ki, Ermənistan Avrasiya İqtisadi İttifaqı (Aİİ) ilə işləyir və eyni zamanda Avropa İttifaqı ilə əlaqələri inkişaf etdirir, çünki bu, şaxələndirilmiş iqtisadiyyat konsepsiyasına uyğundur.

Avqustun 28-də Ermənistanın Baş naziri Nikol Paşinyan bildirib ki, Ermənistan eyni vaxtda Avropa İttifaqı və Avrasiya İqtisadi Birliyinin üzvü ola bilməz və buna görə də yeri gələndə seçim etməyə hazırdır. O qeyd edib ki, hadisələr fərqli şəkildə inkişaf edə bilər və çox şey bir sıra amillərdən, o cümlədən erməni xalqının rəyindən, Aİ və Aİİ ilə danışıqların necə davam edəcəyindən asılı olacaq.

Hüseyn İbadlı