Sosial həyata zəbrə vuran ağız qoxusuna qarşı möcüzəli bitkilər

Bir çox adamın dərdi olan ağız qoxusu sosial həyata da zərbə vurur. Narahatlıq verən bu qoxuyla mübarizədə bir çox bitkilər köməyə yetişir.

İnsanın özünə və ətrafındakılara narahatlıq verən ağız qoxusu, burun, ağız, tənəffüs yolu və mədə problemləri nəticəsində ortaya çıxa bilər. Bunlar da çox zaman xroniki infeksiya ilə bağlıdır. Məsələn, çürük dişlər, diş əti infeksiyaları, xroniki badamcıq (artıq ət) vəzisi iltihabı, xroniki bronxit, ağciyər xəstəlikləri, xroniki qastrit və sinus xəstəlikləri ağız qoxusuna yol açır. Məşhur inancın əksinə olaraq qəbizlik nəfəsin pis qoxumasına səbəb olmur. Mütəxəssislər ağız qoxusundan əziyyət çəkənlərə antiseptik diş pastaları və qarqara təklif edirlər. Həmçinin də bəzi bitkilərin müsbət təsirlərini də unutmaq lazım deyil. Tabloid.az xarici mətbuata istinadən ağız qoxusuna qarşı möcüzəvi təsir göstərən bitki və qarışıqlardan bəzilərini təqdim edir:

Yovşan otu: Bir fincan qaynar suya yarım çay qaşığı yovşan otu atıb soyuduqdan sonra süzərək səhərlər qarqara edilir.

Zəncirotu: Həvəngdəstədə döyülərək toz halına gətirilən bir ovuc zəncirotu kökü bir litr suyun içinə qatılıb qaynadılır. Sonra süzülüb gün ərzində fasilələrlə cəmi 3 çay fincanını keçməmək şərti ilə içilir.

Sürünən dirçək: Bir litr suyun içinə incə doğranmış bir ovuc sürünən dirçək otu qatılıb bişirilir. Daha sonra lazım olanda qarqara edilərək istifadə edilir.

Ənginar: Bir litr suya bir ovuc qaynadılmış ənginar qatılıb qaynadılır. Süzülüb qarqara edilir.

Bağayarpağı: Bir litr suyun içinə nazik doğranmış bir yemək qaşığı bağayarpağı, biyan kökü və ling otu yarpağı qatılıb bişirilir. Daha sonra süzərək gün ərzində fasilələrlə qurtumlanaraq cəmi 3 çay fincanı qədər içilir.

Turp: Bir litr suyun içinə bir yemək qaşığı rəndələnmiş turp, narıngi qabığı və bir ovuc sünbül qatılıb qaynadılır. Süzərək qarqara edilir.

Badam-bal: Həvəngdəstədə döyülən badam bal ilə qarışdırılıb acqarnına bir çay qaşığı yeyilir.

Tarhana: Bir çay qaşığı tarhana ağız içində uzun bir müddət saxlanılaraq udulur.

Kərəviz: Bir litr suya kərəviz yarpağı qatılıb qaynadılır. Bir müddət saxladıqdan sonra süzülüb gün ərzində qarqara edilərək istifadə edilir.

Tabloid.az