Bu il dəbli görünmək üçün hansı çılğınlıqları etməli? – Fotolar

Baxımlı və dəbli xanım olmaq elə də asan deyil. Gərək ilin dəb trendlərini yaxından izləyib öz stilinə yaxın olanlardan faydalanasan. Hər trendlə ayaqlaşmaq olmaz. Özünə yaraşanı və gözəlliyini ön plana çıxarmağa qadir olanı seçməyi bacarmalısan.

Tabloid.az bu il ən şıq dəvətlərdə qarşınıza çıxacaq, dünya ulduzları ilə gündəmə gələcək makiyaj və saç trendlərini seçib. Bunlardan hansını özünüzə yaraşdıracağınız sizin zövqünüzdən asılıdır.

Bir-birinə yapışan kirpiklər

Bu il qeyri-adilik ön plandadır. Odur ki, hamının diqqətini çəkəcək cəsarətli addımlar atmaqdan çəkinməmək lazımdır. Ancaq bir-birinə yapışan kirpik dəbi ilə ayaqlaşmaq hər qadının cəsarət edəcəyi iş deyil. Yenə də sınaqdan keçirmək istəyənlər xüsusi tuşların sayəsində bu görüntünü əldə edə bilərlər.

İslaq saçlar

Artıq yağlı saçlarla da rahatlıqla gəzə bilərsiniz. Əbəttə, bu bir zarafatdır. İslaq saç düzümünü saç gelləri sayəsində əldə edə bilərsiniz.

Yoxa çıxmış qaşlar

Bir çox məşhur brendin dəfiləsində modellərin qaşlarının saraldıldığını yəqin ki, siz də müşahidə etmisiniz. Televiziya ulduzu Kim Kardaşyan da bir dəvətdə saraltdığı qaşları ilə diqqət çəkmişdi. Bəli bu il saçınızın rəngi qara, şabalıdı olsa belə qaşlarınızı sarıya, hətta ağ rəngə boyamaq aktual olacaq.

Ombre dodaqlar

Ötən il geyimdə və saçda ombre dəbi var idi. Bu il isə dodaq makiyajında ombrelər göz qamaşdıracaq. Bir-birinə uyğun olan dodaq boyalarınızı kombinə edərək siz də bu tip makiyajı sınaqdan keçirə bilərsiniz.

İddialı gözlər

Bu il gözləri yaşıl, qızılı, qırmızı və göy rəngə boyamaq olduqca populyarlaşacaq. Xüsusilə göy və qırmızı rənglə çəkilmiş pişik quyruğu gözlərinizi ön plana çıxaracaq.

Tabloid.az