Tabloid.az

Nüşabə Ələsgərliyə həyat dərsi keçən hadisə

27 Yanvar 2015 14:56

Əməkdar artist o hadisəni qulağına sırğa edib

Əməkdar artist Nüşabə Ələsgərli Türkiyədə təyyarəyə gecikdiyi üçün hava limanında qalıb. Tabloid.az xəbər verir ki, başına gələn bu xoşagəlməz hadisə barədə o, “Gün üzü” verilişində danışıb.

Onun sözlərinə görə, musiqiçilərin siqaret çəkməsi bütün heyətin təyyarəyə gecikməsinə səbəb olub. Nəticədə onlar hava limanında qalıb. Maraqlısı isə odur ki, Nüşabə xanımın üzərində yeni bilet almaq üçün pul qalmayıb: “Artıq Bakıya dönürdük. Düşündüm ki, daha pula ehtiyacım olmayacaq. Qalan bütün puluma qızım üçün mobil telefon aldım”.

Gecəni hava limanında qalan heyət yalnız səhər yola düşə bilib. Müğənni qeyd edib ki, onları Bakıya hava limanının müdriyyəti yola salıb.

Həmin hadisədən sonra əməkdar artist ehtiyatlı davranır. Onun sözlərinə görə, bu hadisəni qulağına sırğa edərək həmişə üzərində ehtiyat üçün pul saxlayır:

“O gündən sonra hara gedirəmsə, mütləq üzərimdə 200 dollar pul saxlayıram”.