• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Bizim əfsanə: “Avropa Oyunları idmançılara böyük stimul olacaq”

Bizim əfsanə: “Avropa Oyunları idmançılara böyük stimul olacaq”

Azərbaycanın əfsanəvi cüdoçusu İlham Zəkiyev I Avropa Oyunlarında uğurlu çıxış edəcəyinə ən çox inanılan idmançılardandır. İki dəfə Paralimpiya oyunlarının, 2 dəfə dünya çempionatının qızıl medallarını qazanmış, beş dəfə Avropanı fəth etmiş idmançımızdan növbəti zəfər gözlənilir.

Elə İ. Zəkiyev də bu yarışda qələbə qazanmaq üçün döşəyə çıxacağını bildirir.

Publika.az-a danışan cüdoçu I Avropa Oyunlarının idmançılarımız üçün böyük stimul olacağını dedi:

“Avropa Oyunları ərəfəsi tikilən idman obyektləri, komplekslər hər biri Azərbaycan idmançıları üçündür. İdmançılarımızın səmərəli istifadəsi üçündür. Necə ki, Olimpiya Oyunları dedikdə Yunanıstan yada düşür. İndi də Avropa Oyunları deyildikdə ilk Azərbaycan xatırlanacaq. Şükürlər olsun ki, Azərbaycan bu oyunlara yüksək səviyyədə hazırlaşır. İnşallah Azərbaycan burada da öz sözünü deyəcək. Hər bir idmançımıza bu oyunlarda uğurlar arzu etmək istəyirəm. Ümid edirəm ki, bu yarışda ölkəmizi yaxşı təmsil edəcəyik, himnimizi səsləndirəcəyik.

Avropanın ən reytinqli idmançıları dəvət olunacaq. Bu yarışın Azərbaycan idmançılarına təbii ki, böyük təsiri olacaq, qələbəyə köklənəcəklər, böyük stimul olacaq. Təbii ki, burada doğma divarlar amili də var. Azərbaycan idmançıları 10 qat güclə iştirak etməlidirlər. İnanıram ki, belə də olacaq, azərbaycanlılar bu yarışda yaxşı nəticələr verəcək”.

Aygün İlqarqızı

Xəbər lenti

DAHA ÇOX XƏBƏR