Bakı 2015
MOK-da mükafatlandırma - “İnanıram ki, qalan günlərdə də medallarımızın sayı artacaq”
Milli Olimpiya Komitəsinin inzibati binasında I Avropa Oyunlarında uğur qazanmış idmançılarla növbəti dəfə ənənəvi görüş keçirilib.
Publika.az xəbər verir ki, görüşdə MOK-un I vitse-prezidenti Çingiz Hüseynzadə, baş katibi Ağacan Əbiyev, həmçinin olimpiya çempionları Nazim Hüseynov, Namiq Abdullayev və Fərid Mansurov iştirak edib.
Bu dəfə görüşə iyunun 22-də medal qazanan idmançılar dəvət olunub.
MOK rəsmiləri sambo yarışlarında gümüş mükafat qazanan İslam Qasımov (57 kq), Amil Qasımov (74 kq), Vasif Səfərbəyov (+100) və Nəzakət Xəlilovanı (52 kq) mükafatlandırıblar.
Çingiz Hüseynzadə tədbirdə çıxış edib:
“Dünən də mükafatçılarımız oldu. Samboçularımız 4 gümüş medal əldə etdilər. Bilirsiniz ki, sambo olimpiya idman növü sayılmır. Lakin Azərbaycan prezidenti İlham Əliyevin səyi nəticəsində sambo Avropa Oyunları proqramına daxil edilib. İdmançılarımız da yaxşı nəticələr əldə etdilər. Oyunların sonuna cəmi 5 gün vaxt qalıb. İnanıram ki, qalan günlərdə də medallarımızın sayı artacaq.
Bundan əlavə bildiyiniz kimi, bu gün Beynəlxalq Olimpiya Günüdür. Biz adətən bu günü ayrıca qeyd edirdik, müxtəlif tədbirlər, marafonlar keçirirdik. Ancaq bu dəfə Avropa Oyunları ölkəmizdə keçirildiyindən, Beynəlxalq Olimpiya Gününü ayrıca qeyd etməyə lüzum görülmədi. Çox sevinirik ki, Avropanın müxtəlif ölkələrinin idmançıları da bu günü bizimlə birlikdə qeyd edir”.
Çıxış bitdikdən sonra mükafatçılar xüsusi şərəf lövhəsinə imza atıb.
-
Art18:33
Azərbaycanda gənc yazıçı vəfat etdi
-
Nida Xəbər 18:30
Prezidentdən Fransaya XƏBƏRDARLIQ: "Kritik həddə çatsa, onda bizdən heç kim inciməsin”
-
Ekologiya18:08
Güclü külək əsəcək, yağış yağacaq - XƏBƏRDARLIQ
-
Region18:00
Köçəryan Paşinyanın impiçmenti ideyasını ələ saldı: O səsləri haradan alacaqlar?
-
Rəsmi xronika17:30
İlham Əliyev Laçında sakinlərlə görüşdü
-
Qarabağ 17:10
Vardanyanın Bakıda “yazdığı” məktub həbsxanadan necə çıxıb?
-
Qoroskop16:42
40 yaşından sonra həyatları dəyişəcək bürclər: Pul, ev, karyera...
-
Rəsmi xronika16:00
İlham Əliyev və xanımı Şuşada açılışda iştirak etdilər