Kim Çen İn zəhərlənməkdən qorxduğu üçün buna da əl atdı

Şimali Koreya lideri Kim Çen İn günlərin birində zəhərlənəcəyindən qorxduğu üçün yediyi hər yeməyi mikroskop altından keçirmək qərarı verib.

Publika.az xarici mətbuata istinadən xəbər verir ki, yenicə aşkar olunmuş faktlara görə, Kim Çen İn kahının hər bir yarpağının üzərində diqqətlə axtarış aparmağı tapşırıb.

Verilən məlumatda bildirilir ki, o, fermasında yetişən hər bir meyvə və tərəvəzləri yeməzdən öncə onları mikroskop altında yoxlatdırır. Bu isə 32 yaşlı Kim Çen İnin meyvə və tərəvəzə qarşı fobiya yaşadığını göstərir.

Mikroskop altında əsasən toksinlər, mikroblar və digər ziyanverici elementlər yoxlanılır. Ona görə də onun fermasında ailə üzvləri və Kommunist Partiyasına sadiq olan şəxslər işləyir. Sonra isə meyvə və tərəvəzlərin yarpaqları belə peşəkar həkimlər tərəfindən bir-bir yoxlanılır.

Qeyd edək ki, 2014-cü ildə yayılan məlumatda bildirilir ki, Kim Çen İn yediyi pendir ucbatından artıq çəki yığıb. Pendirin tərkibindəki “ziyanlı maddələr”ə görə onun topuqlarında da problem yaranıb və hərəkət etməyində çətinliklər yaşanıb.

Nura