Dünya

Respublikaçıların ABŞ prezidenti postuna “Top-10”luğu - SİYAHI

5 Avqust 2015 11:54

“Fox News” mediakorporasiyası ABŞ-da prezident seçkilərində Respublikaçılar Partiyasından iştirak edəcək “Top-10”luğun adını açıqlayıb.

Publika.az xəbər verir ki, adı açıqlanan şəxslər əsas teledebatlarda iştirak edəcəklər.

Siyahıda milyarder Donald Tramp, Florida ştatının keçmiş qubernatoru Ceb Buş, Viskonsi ştatının qubernatoru Skott Uoker, Arkanzas ştatının keçmiş qubernatoru Mayk Xakabi, təqaüdə çıxan neyro-cərrah Ben Karson, Texas ştatının senatoru Ted Krus, Florida ştatının senatoru Marko Rubio, Kentukki ştatının senatoru Rend Poldan, Nyu-Cersi ştatının qubernatoru Kris Kristi və Ohayo ştatının qubernatoru Con Keysiç var.

Siyahı ümummilli sorğunun nəticələri əsasında formalaşdırılıb. Sorğuya görə, milyarder Tramp reytinqdə ilk sıradadır. Onun Buş və Uoker izləyir. Respublikaçılardan siyahıya daxil olmayan yeddi nəfər ayrı müzakirələrə dəvət ediləcək.

Qeyd edək ki, ABŞ-da prezident seçkiləri 8 noyabr 2016-cı ildə keçiriləcək.

Ömər Dağlı