Dünya

Rus turistləri ilə türklər arasında kütləvi dava – VİDEO

5 Avqust 2014 13:47

Türkiyənin Qonaqlı şəhərində rusiyalı turistlərlə yerli əhali arasında insident baş verib.

Publika.az Rusiya mətbuatına istinadən xəbər verir ki, turist bazasına gələn ruslar otelin nömrələrinə gec yerləşdiriliblər. Onlar haqlı olaraq otel rəhbərliyinə irad bildirəndə turist bazasının mühafizəçilərindən biri zorakılığa əl atıb. O, ruslardan birinə zərbə vurub.

Avropalı turistlərdən fərqli olaraq, dalaşqanlığı ilə seçilən ruslar qruplaşaraq otelə hücum çəkiblər. Mühafizəçilərlə kütləvi dava düşüb. Tərəflər bir-birlərinə stul və kreslo atıblar.

Otelin giriş vestibülü dağıdılıb, şüşələr sındırılıb.

Hadisə yerinə gələn polis heç kimi saxlamayıb və tərəfləri barışmağa sövq edib. Amma otel rəhbərliyi dəyən maddi ziyanı rus turistlərinə ödətməyə çalışır.

Ruslar isə bildiriblər ki, onlardan 4 nəfəri başından yaralanıb və buna görə heç bir kompensasiya verilmir.

Hələlik turistlər nömrələrə yerləşdiriliblər. Amma turistlər çimərliyə gedə bilmirlər. Çünki mühafizəçilər qisas alacaqlarını deyiblər.

İlqar Atabəyli