• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Payız makiyajı necə olmalıdır?

Payız makiyajı necə olmalıdır?

Adətən, makiyaj edərkən dəri və göz rəngimizə uyğun çalarlara üstünlük veririk. Ancaq vizajistlər bildirirlər ki, eyni zamanda fəsli və hava şəraitini də nəzərə almaq lazımdır.

Publika.az mükəmməl payız makiyajı üçün əməl etməli olduğunuz qaydaları təqdim edir:

Bu ilin payız mövsümü üçün ən dəbli rənglərin şərab, qəhvəyi və zoğalı olduğu müəyyənləşdirilib.

Bu da təsadüfi deyil. Makiyajınız payızın rəmzinə çevrilən tökülmüş yarpaqların, çiskin havanın yaratdığı dincliklə harmoniya təşkil etməlidir.

Şaftalı çalarında ənliklər

İşıltılı, açıq şaftalı rəngli ənliklər seçin. Belə ənlik sizi daha gənc və enerjili göstərəcək. Dəri tonunuzu nəzərə alaraq gül qurusu rəngində olan ənlik də çəkə bilərsiniz.

Gözlərdə qəhvəyi və zoğalı kölgələr

Göz makiyajında isə ən trend rənglərə - yəni qəhvəyi və zoğalıya üstünlük verin. Bu rənglərdə göz kölgəsi çəkdikdən sonra gözlərinizi ön plana çıxarmaq üçün kirpik dibləri üçün layner və ya göz qələmindən istifadə edə bilərsiniz.

Xüsusi gecələrdə də bu çalar köməyinizə gələcək. Dəvətlərə gedərkən qəhvəyi və zoğalı kölgələrlə dumanlı göz makiyajı etmək olar. Unutmayın ki, tünd rəngli kölgələrdən istifadə etdikdə dodaqlara nəzərəçarpmayan, solğun dodaq boyaları çəkilməlidir.

Dodaqlar cəzb edir

Göz makiyajınızı sadə edib əsas diqqəti dodaqlara vurğulaya bilərsiniz. Bunun üçün payızın əsas trendlərindən olan tünd rəngli dodaq boyalarına müraciət edin. Dodaq makiyajında da yenə zoğalı, qırmızı, qəhvəyi rənglər ön plandadır. Dodaqlarınızı dodaq qələmi ilə haşiyəyə alaraq daha cazibədar görünə bilərsiniz.

Yağışı sev!

Yağış bir çoxumuzun ürəyində romantik hisslər oyatsa da, makiyajımızı və saç düzümümüzü məhv etdiyi üçün ondan qorunmağa can atırıq. Belə havalarda makiyaj edərkən bəzi nüanslara diqqət yetirsəniz, gününüz problemsiz keçəcək.

Belə günlərdə makiyaj əsası çəkməyi unutmayın. Tonal krem əvəzinə BB və ya CC krem çəkin. Mümkündürsə, suyadavamlı məhsullardan istifadə edin. Sonda 15 santimetr uzaqlıqdan üzünüzə makiyajı sabitləyən sprey püskürdün.

Bu məsləhətlərə əməl etsəniz, yağışlı və soyuq havalarda da gözəlliyinizlə hamını özünüzə heyran qoyacaqsınız.

Ləman Sultan

Xəbər lenti

DAHA ÇOX XƏBƏR