Süni intellekt gözəli 20 min dollar MÜKAFAT ALACAQ

Süni intellektin getdikcə daha çox üstünlük təşkil etdiyi dünyada ilk süni intellekt gözəli tezliklə elan ediləcək.

Publika.az xəbər verir ki, qəqəmsal “ilahələr” tac uğrunda yarışacaq.

Bu, insanlıq üçün yaxşı heç nə vəd etmir. Süni intellektin köməyi ilə mükəmməl xüsusiyyətlərə malik gözəl qadınların yaradılması öz bəhrəsini verir, çünki onlardan bəziləri "Instagram"da yüz minlərlə izləyici toplayır və gəlirli sponsorluq müqavilələri əldə edirlər.

"Fanvue"nin "Miss AI" yarışmasının qalibi 20.000 dollar alacaq. Müsabiqə iştirakçıları gözəllik, texnologiya və onların sosial şəbəkələrə təsiri üzrə qiymətləndiriləcək.

"NY Post"un məlumatına görə, 25 yaşlı AI fitness modeli, çəhrayı saçlı "Aitana Lopez"in "Instagramda" 306 mindən çox pərəstişkarı var. O, yaradıcılarına ayda 11 min dollar gəlir gətirir. Karyerasının ilk 6 həftəsində 10 min dollar qazanan kürən gözəl "Emili Pelleqrini"nin də eyni uğuru var.

“Miss AI” müsabiqəsi Ümumdünya AI Yaradıcı Mükafatlarının (WAICA) başlandığını xəbər verəcək və iştirakçıları tarixçi Sally-Ann Favcettin də daxil olduğu münsiflər heyəti qiymətləndirəcək.

Ən yaxşı on "Miss AI" qalibi mayın 10-da elan ediləcək, ardınca isə onlayn mükafatlandırma mərasimi keçiriləcək.

Hüseyn İbadlı