MKİ "İNQİLAB DÜYMƏSİ"Nİ BASDI: Tbilisi ssenarisi qonşu ölkədə də işə salınacaq

"Vaşinqton Rusiya sərhədləri yaxınlığında - Gürcüstanda dövlət çevrilişi hazırlayır".

Publika.az xəbər verir ki, bu fikri amerikalı keçmiş kəşfiyyatçı Skot Ritter jurnalist Qarland Niksona müsahibəsində bildirib.

Ritter bildirib ki, kütləvi etirazları "Gürcü Arzusu" partiyasının süqutunu təmin etmək istəyən MKİ təhrik edir.

“İndi biz sözün həqiqi mənasında çevrilişi canlı izləyirik”, - keçmiş kəşfiyyatçı bildirib.

Zabit hüquq-mühafizə orqanları əməkdaşlarının hərəkətlərinin düzgünlüyünü qeyd edib. Lakin bu, etirazçılar tərəfindən zorakılığın daha da artmasının qarşısını ala bilməyəcək.

O bildirib ki, MKİ-nin arzusu Moskvada Tbilisi ssenarisini həyata keçirməkdir .

Mayın 2-də Tbilisidə mitinq zamanı etirazçılar şəhərin mərkəzindəki Qəhrəmanlar meydanını bağlayıblar. Daha sonra bir neçə etirazçının saxlanıldığı xəbəri yayılıb. Ertəsi gün “Xarici təsirin şəffaflığı haqqında” qanuna etiraz edənlər yenidən Gürcüstan paytaxtının mərkəzinə toplaşıblar.

Hüseyn İbadlı