İqtisadi gündəm

BVF: 2018-ci ildə Azərbaycanın qeyri-neft sektorunda artım gözlənilir

16 Dekabr 2017 01:24

Azərbaycanda yaxın gələcəyə dair iqtisadi artım perspektivi müsbətdir. Gələn il dövlət investisiya xərclərinin və sosial xərclərin artımı fonunda qeyri-neft sektorunda 4 faizlik artım gözlənilir.

APA-nın xəbərinə görə bu barədə 2018-ci il üzrə IV Maddə Məsləhətləşmələri çərçivəsində müzakirələr aparmaq üçün 30 noyabr – 14 dekabr tarixlərində Bakıda səfərdə olan Beynəlxalq Valyuta Fondunun missiyasına rəhbərlik edən Məhəmməd əl-Qorçinin bu səfərin yekununa dair yayılan bəyanatında bildirib.

Bəyanatda deyilir ki, neft sektorunda azalma davam edəcək: “Ümumiyyətlə, 2018-ci il üzrə iqtisadi artım 2 faiz səviyyəsində proqnozlaşdırılır, ortamüddətli dövr ərzində isə qaz yataqlarının işlənməsinə başlandıqdan sonra 3.5 - 4 faiz arasında olması planlaşdırılır. Baza ilinin təsirləri tükəndikcə inflyasiya dərəcəsi 2018-ci ildə 7 faizədək, sonra isə tədricən daha aşağı düşəcək”.