• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Sabah bu rayonlarda qaz olmayacaq - SİYAHI

Sabah bu rayonlarda qaz olmayacaq - SİYAHI

Avqustun 12-də saat 10-dan 18-dək bir neçə rayonun qaz təchizatı dayandırılacaq.

Bu barədə Publika.az-a Azərbaycan Respublikası Dövlət Neft Şirkətinin (SOCAR) mətbuat xidmətindən məlumat verilib. Məlumata görə, “Qaz İxrac” idarəsinin Hacıqabul magistral qaz kəmərləri sahəsinin “Mədrəsə”, “Şamaxı”, “Ələt” və “Qobustan”, Siyəzən magistral qaz kəmərləri sahəsinin “Xaçmaz” və “Xudat”, Ağdaş magistral qaz kəmərləri sahəsinin “Goranboy”, Astara magistral qaz kəmərləri sahəsinin “Günəşli”, “Göytəpə” və “Xarxatan” qazpaylama stansiyalarında, eləcə də bəzi ölçü qovşaqlarında cari təmir işləri aparılacaq.

Təmir müddətində Cəlilabad rayonunun Günəşli, Alar, Qarazəncir, Göytəpə, Lənkəran rayonunun Liman, Boladil, Separadi, Şağlaser kəndlərinin, həmçinin Ələt və Qobustan qəsəbələrinin təbii qaz təchizatında məhdudiyyətlər olacaq. Aparılan işlərin Naftalan, Goranboy, Şamaxı, Xaçmaz rayonlarının və Xudat şəhərinin qaz təchizatına təsir göstərməsi də mümkündür.

Xəbər lenti

DAHA ÇOX XƏBƏR