Ekopublika.az

Avtomobil benzininin istehlakı artıb - Cədvəl

4 Sentyabr 2014 13:40

Bu ilin ilk altı ayında ölkədə 1710,9 min ton və ya əvvəlki ilin müvafiq dövrünə nisbətən 2,7 faiz (44,6 min ton) çox əsas növ neft məhsulları istehlak olunub.

Publika.az xəbər verir ki, istehlak olunan əsas növ neft məhsullarının 39,9 faizini avtomobil benzini, 34,0 faizini dizel yanacağı, 11,2 faizini aviasiya üçün və sair ağ neft, 6,0 faizini neft bitumu, 4,0 faizini maye qaz, 3,9 faizini nafta, 0,6 faizini sürtkü yağları, 0,3 faizini mazut yanacağı, cüzi hissəsini isə neft koksu təskil edib.

Cari ilin birinci yarımilində avtomobil benzininin istehlakı 5,8 faiz, aviasiya üçün və sair ağ neftin istehlakı 5,4 dəfə artıb. Başqa əsas növ neft məhsullarının istehlakı isə azalıb.

Əsas növ neft məhsullarının daxili bazarda istehlakının strukturu:

	2014-cü ilin yanvar-iyun aylarında, min ton	2013-cü ilin yanvar-iyun aylarında, min ton	Əvvəlki ilin müvafiq dövrünə nisbətən, faizlə
Cəmi	1710,9	1666,3	102,7
o cümlədən: avtomobil benzini	681,8	644,2	105,8
dizel yanacağı	581,8	644,8	90,2
aviasiya üçün və sair ağ neft	191,5	35,3	5,4 d
nafta	66,9	76,1	87,9
mazut yanacağı	5,7	18,0	31,7
maye qaz	68,7	72,3	95,0
neft koksu	0,7	1,8	38,9
neft bitumu	102,8	150,3	68,4
sürtkü yağları	11,0	23,5	46,8