• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Quş ətinin istehsalçı qiyməti ucuzlaşıb

Quş ətinin istehsalçı qiyməti ucuzlaşıb

Mart ayında kənd təsərrüfatı məhsullarının istehsalçı qiymətləri əvvəlki ayla müqayisədə 0,4 faiz, o cümlədən birillik və çoxillik bitkilərin uyğun olaraq 1,3 və 2,8 faiz bahalaşıb.

Publika.az xəbər verir ki, diri heyvanlar və heyvandarlıq məhsullarının istehsalçı qiymətləri isə 0,7 faiz ucuzlaşıb. Balıq və sair balıqçılıq məhsullarının istehsalçı qiymətləri 0,8 faiz bahalaşıb.

Birillik bitkilərdən buğdanın, arpa dəninin, yerfındığının, xiyarın, pomidorun istehsalçı qiyməti bahalaşıb, baş soğanın, baş kələmin, quru otun, süfrə çuğundurun, kartofun, noxud dəninin istehsalçı qiyməti isə ucuzlaşıb.

Çoxillik bitkilərdən almanın istehsalçı qiyməti ucuzlaşıb, şabalıdın, fındığın, qozun, narın, gül şitilinin istehsalçı qiyməti isə bahalaşıb.

Diri heyvanlar və heyvandarlıq məhsullarından südün, mal və qoyun ətinin (diri çəkidə), təbii balın istehsalçı qiyməti artıb. Diri qoyun və keçilərin, yumurtanın, diri ev quşlarının, quş ətinin (diri çəkidə) istehsalçı qiyməti isə ucuzlaşıb.

İqtisadiyyat şöbəsi

Xəbər lenti

DAHA ÇOX XƏBƏR