Bilgi.az
Dünyanın ən qəribə, bahalı və maraqlı universitetləri
Bir çoxları üçün xarici ölkələrdə təhsil bir çox cəhətlərinə görə Azərbaycandakından daha ucuz başa gəlir, imkanları daha çoxdur və sair.
Biz də mövzunun aktuallığını nəzərə alıb, bu
sahədə kiçik dəqiqləşdirmələr apardıq. Ən bahalı universitetlər
hansıdır, ən sərfəli tələbə şəhərciyi harda yerləşir və dünyanın ən
qəribə dərslər keçilən universitetləri hansıdır, bu dərslərdə nədən
bəhs olunur?
Dünyanın ən bahalı universitetində illik təhsil
haqqı 39.240 dollardır
Amerikanın dünyaca məşhur “Forbes” jurnalı
planetin ən bahalı universitetlərinin siyahısını açıqlayıb.
Jurnalın redaksiya məqaləsində qeyd edilir ki, “oxucuların çoxu
təəccüblənə bilər, çünki sözügedən siyahıya ABŞ-ın Harvard, Priston
və Yel, nə Britaniyanın Oksford və Kembric kimi universitetlərinin
adı daxil olunmayıb. Bunun da səbəbi var: siyahıda adı olan
universitetlər ən yüksək ödəniş haqqı ilə onları geridə
qoyub”.
Aşağıda sizə yerləşdiyi region üzrə dünyanın ən
bahalı universitetləri siyahısında olan ali təhsil müəssisələrinin
siyahısını təqdim edirik:
ABŞ
1. Corc Vaşinqton Universiteti (ABŞ, Kolumbiya).
Təhsil haqqı - illik 39240 $. Bu, ABŞ-ın və dünyanın ən bahalı
universitetidir (4 illik bakalavr tədrisi üzrə ali təhsil
müəssisələri arasında). Universitet Ağ Ev və Dövlət Departamentinin
yaxınlığında yerləşir.
2. Kenyon Kollecİ (ABŞ, Ohayo). Təhsil haqqı -
illik 38140 $. Universitet adıçəkilən ştatda ən qədim özəl
universitetdir. Adıçəkilən universitetdə 9 tələbəyə bir müəllim
düşür, qrupda isə 15 nəfərdən az tələbə olur. ABŞ prezidenti
Rateford Hays və aktyor Pol Nyumen bu universitetin
məzunlarıdır.
3. Bucknell Universiteti (ABŞ, Pensilvaniya).
2007-2008-ci illərdə təhsil haqqı - illik 38134 $ təşkil edib.
ABŞ-ın ən iri özəl universitetlərindən biri sayılır.
4. Vassar Kollec (ABŞ, Nyu-York). 2007-2008-ci
illərdə təhsil haqqı - 38115 $. Burada 9 tələbəyə 1 müəllim düşür.
Demək olar ki, bütün tələbələr universitetin kampus ərazisində
yaşayır. Tələbələr diplom almaq üçün minimum bir xarici dili
mükəmməl öyrənməlidirlər.
5. Sarah Lawrence Kollec (ABŞ, Nyu-York).
2007-2008-ci tədris ili üçün illik ödəmə 38090 $ təşkil edib.
Tələbələ-bakalavrların təxminən 75 faizi - xanımlardır. Burada 8
tələbəyə bir müəllim düşür.
Avropa
6. Paris Amerika Universiteti (Fransa, Paris).
Təhsil haqqı - illik 34725 $ təşkil edir. Universitet Eyfel
qülləsinin yaxınlığında yerləşir, tələbələrin təxminən üçdə biri
amerikalılardı.
Avstraliya
7. Bond Universiteti (Qızıl sahil, Kvinslend).
İllik təhsil haqqı 32900 $ təşkil edir. Dövlət tərəfindən
maliyyələşmir. Tələbələrin yarısı xaricilərdir.
Kanada
8. Quest Universiteti (Kanada, Kolumbiyanın
Britaniya əyaləti). İllik təhsil haqqı 23420 dollar. Bu universitet
2007-ci ilin sentyabrında açılıb və hələ ki Bachelor of Arts and
Sciences (İncəsənət və təbiət elmləri) üzrə bakalavr pilləsini
təklif edir.
Böyük Britaniya
9. Bukingem Universiteti (İngiltərə). Təhsil haqqı
illik 15195 $. Böyük Britaniyanın yeganə tamamilə özəl
universitetidir. Bakalavr dərəcəsini 2 il müddətinə almaq
mümkündür.
Uzaq Şərq
10. Aoyama Gakuin University (Yaponiya, Tokio).
İllik təhsil haqqı 11700-16100 $ təşkil edir. 1874-cü ildə
metodistik episkopal kilsəsinin missionerləri tərəfindən təsis
olunub.
Cənubi Amerika
“750 dollarlıq oyuncaq hazırlamaq üçün bir ilini
fəda edən gənclər...
11. Instituto Tecnologico y de Estudios Superiores
de Monterrey (Meksika). Təhsil haqqı 11210 $ dollar. Ölkənin ən
prestijli və bahalı universitetlərindən biri olan bu universitet
1943-cü ildə Meksika biznesmenləri tərəfindən təsis
olunub.
Sonda qeyd edək ki, “Forbes”in bu siyahısı ABŞ-ın
The Chronicle of Higher Educatione nəşrinə istinadən hazırlanıb.
Adıçəkilən nəşr ali təhsil sahəsində akademik ictimaiyyət üçün
xəbərlər və digər məlumatları dərc edir.
Paris ən yaxşı tələbə şəhəridir
Keçək tələbə şəhərlərinə. Ən yaxşı universitet
deyib, keçmək olmur. Dünyanın ən yaxşı tələbə şəhərləri siyahısı da
önəmlidir. “Quacquarelli Symonds” adlı ingilis xaricdə təhsil üçün
məsləhət şirkəti hər il olduğu kimi bu ildə dünyanın ən yaxşı
tələbə şəhərlərini müəyyən edib.
Siyahıda tələbələrin ilkin seçimləri Avropa
universitetləri olub. Birinci yerdə isə Avropanın ən bahalı
şəhərlərindən biri Parisdir. Tələbə həyatının ən gözəl yaşanacağı
kimi göstərilən Paris bahalılığına rəğmən tələbələr tərəfindən ən
çox seçilən şəhərdir.
Və yaşayış keyfiyyətinə görə də ən müvafiq
qiymətlərin olduğu şəhərdir. Şəhəri birinci edən faktorlardan biri
odur ki, bura mədəni zənginliyi ilə yanaşı, həm də dünyanın ən
yaxşı universitetləri sırasına 17 universitetinin adını yazdıran
şəhərdir.
Bakalavr və magistratura tələbələrinə 2013-2014
təhsil illəri nəzərə alınaraq hazırlanan siyahıda universitetləri
reytinqi, beynəlxalq tələbə sayı, yaşayış keyfiyyəti, iş imkanları
və təhsil ödənişləri olmaqla 5 kateqoriyada araşdırma aparıldı.
Parisdən sınra siyahıda ikinci yeri İngiltərənin paytaxtı London
tutub. 50 maddəlik siyahıdakı 3-cü yerdə olan şəhər isə
Sinqapurdur.
Türk şəhərlərinin daxil olmadığı siyahıdakı
dəyərləndirməyə girmə şərti budur ki, şəhər ən az 250 minlik
əhalisi ilə bərabər, həm də “dünyanın ən yaxşı universitetləri”
reytinqində adı olan ən az iki universitetə sahib
olmalıdır.
Beləliklə növbəti şəhər Sidney universitetinin
yerləşdiyi Sidney şəhəridir. Növbəti yerdə isə Sürix Dövlət
Texnologiya Universitetinin yerləşdiyi İsveçrənin Sürix şəhəridir.
Daha sonra isə Melbrun Universiteti ilə siyahıya düşən Melbrun
şəhəridir. Siyahıda Honq-Konqşəhərinin eyniadlı universiteti də
var.
ABŞ-ın Bentley Universiteti də sözügedən
imkanlarına görə tələbələr arasında seçilib. Ludvig Maximillian
Universiteti ilə Almaniyanın Münih şəhəri də siyahıya daxil
olub.
Dünyanın ən yaxşı universiteti... son siyahıda Harvard imiş...
Dünyanın ən yaxşı 100 universiteti.... Bu siyahı
isə zaman-zaman dəyişir. Bunlardan sonuncusu İngilis Guardian
qəzeti, Times Higher Education və QS Top Universities tərəfindən
edilən araşdırmaya əsaslanaraq hazırlanıb.
Siyahının başında Harvard Universiteti yer alır.
Asiya universitetlərinin yüksəlişi siyahıda öz əksini tapıb.
Xüsusilə Çin, Yaponiya və Koreya universitetlərinin yaxında ABŞ-ın
Ivy League universitetləri və İngiltərənin Oxford və Cambridge
universitetlərinə meydan oxuyacağı da təxminlər sırasındadır.
Siyahıya görə, ən yaxşı 10 universitetin 4-ü, 100 universitetin də
18-i Böyük Britanyada yer alır.
Bundan başqa, Asiyadan siyahıya daxil olan
universitetlərin sayı keçən ilə görə 2 ədəd artaraq, 14-dən 16-ya
yüksəlib. Tokio Universiteti siyahının 22, Hong Kong Universiteti
24-cü sırasındadır.
Bu da dünyanın ən yaxşı 10 universiteti
1 - Harvard Universiteti (ABŞ)
2 - Kembric Universiteti (Böyük
Britaniya)
3 - Yale Universiteti (ABŞ)
4 - UCL (University College London) (Böyük
Britaniya)
5 - Imperial College London (Böyük
Britaniya)
6 - Oxford Universiteti (Böyük
Britaniya)
7 - Çikaqo Universiteti (ABŞ)
8 - Princeton Universiteti (ABŞ)
9 - Massachusetts Texnologiya İnstitutu (MIT)
(ABŞ)
10 - Kaliforniya Texnologiya İnstitutu (Caltech)
(ABŞ)
750 dollara oyuncaq hazırlamağı öyrədən
universitet varmış
İndi də dünyanın ən qəribə dərslərinə nəzər
yetirək. Məlum olacaq ki, dünyada nə qədər tələbə bu qəribə
kitabları oxuyur, bu qəribə mühazirələrdə iştirak edir.
1.Missuri Universiteti
Dərs: təcrübi mədənçilik
Tələbələr partlayıcıdan düzgün istifadənin
yollarını təcrübi olaraq öyrənirlər.
2. Corc Vaşinqton Universiteti
Dərs: çarpışma analizi
Tələbələrə bu dərsdə avtomobil parçalama fürsəti
verilir. Onlar avtomobillərdəki təhlükəsizlik səviyyələrini
qiymətləndirirlər.
3. Alabama Universiteti
Dərs: roket texnologiyası
20 tələbənin iştirak etdiyi bu dərsdə roket
hazirlanmasının incəlikləri öyrədilir. İlin sonunda isə hazırlanan
roketlər test edilir.
4. Maryland Universiteti
Dərs: kosmos geyimi dizaynı
Tələbələr bir universitetə aid ən böyük su
tankında işləmə fürsəti əldə edir. Tankın içində yaradılan sıfır
yer çəkimi şəraiti vasitəsilə kosmos texnikası haqqında müxtəlif
əməliyyat və axtarışlar həyata keçirirlər.
5. Texas Texniki Universiteti
Dərs: atmosfer
Bu dərsdə şiddətli tufan vəziyyəti yaradıla bilər.
Tələbələr isə bu tipli hadisələrdə binaların necə zərər gördüyünü
öyrənib yeni fikirlər irəli sürürlər.
6. Cornell
Dərs: video oyunu istehsalı
Tələbələr il sonuna qədər bir video oyunu
hazırlayaraq alacağı qiyməti gözləyir.
7. Nev College Florida
Dərs: yağış meşələri biologiyası
Gələcəyin bioloqları bu dərsdə təcrübi olaraq
müşahidə aparılmasını və hansı təhlükələrlə qarşılaşa biləcəklərini
öyrənirlər.
8. MİT
Dərs: oyuncaq istehsalı
Bu dərsdə tələbələr 750 dollarlıq büdcə ilə bir
oyuncaq hazırlamaq məcburiyyətindədirlər. Daha sonra öz
hazırladıqları oyuncaqları test edib standartlara uyğunluğunu
yoxlayırlar.
9. Kaliforniya Universiteti
Dərs: Kosmosdan gələnlərin
araşdırılması
SETİ proqramı daxilində təhsil alan tələbələr
dünyadan kənar varlıqları araşdırırlar.
Kosmosun dərinliklərini dinləməklə yanaşı yeni
yazılışlar yaratmaq üçün çalışırlar.
10. Havay Universiteti
Dərs: elmi dalğıclıq
Tələbələr okean və dəniz diblərində elmi
araşdırmalar aparırlar. /Yeni Müsavat
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək