Nida.az
Azərbaycandakı nurçu icması arasında Mərkəzi Kəşfiyyatın agentləri var- Şok iddia
Fətullah Gülənin əsl məqsədinin nələr olduğu, onun məktəbləri ilə
nəyə nail olmaq istədiyi haqqında ilginc iddialar ortaya
çıxıb.
Publika.Az türk mediasına istinadən xəbər verir
ki, illərdir FTB(Federal Təhqiat Bürosu) sözçülərindən olan
professor Paul L. Uillams camaatın planları haqqında şok detallar
açıqlayıb.
Qeyd edək ki, amerikalı professor həmçinin FTB -nin
sözçülərindən biridir. Onun illərdir Fətullah Gülən və camaatı
araşdırdığı deyilir. Hətta Gülənin Pensilvaniyadakı malikənasına
qədər gedib çıxıb.
Amerikalı professor bildirir ki, Baş nazir Rəcəb Tayyip
Ərdoğanın Mavi Mərmərə hadisələrinə sərt münasibəti və Suriya
siyasətində tutduğu mövqeyə görə F. Gülənin ona düşmən olması
arasında maraqlı paralellik var: “34 il öncə general Kənan Evrən
həmin vaxt Amerikanın Beynəlxalq Təhlükəsizlik üzrə sözçüsü Zbiqnev
Bjeziniskinin Orta Asiyadakı türk dövlətləri üçün yeni bir nizam
yaradılmasının vacibliyi fikrinə uyğun hərəkət etdi. Amma bu fikrə
əsl cavab verən Gülən oldu və bölgədəki qaz və neft yataqlarının
idarəçiliyini ABŞ-a verə bilmək üçün məktəbləri ilə bölgəyə sızmağa
başladı”.
Fətullah Gülən CİA-ya işləyir?
P. Uillams Gülənin CİA (ABŞ Mərkəzi Kəşfiyyat İdarəsi) ilə
bağlantılarından da danışıb.
“Keçmiş CİA rəhbərləri bu məqsədlə ona Yaşıl Kart (Green Kart)
almaq üçün müraciət etməsi haqda məktub verdi. Gülən çıxışlarında
Osmanlının yenidən doğulması və ya yeni İslami dünya nizamından
bəhs edir. Maraqlıdır ki, CİA da eyni fikirləri bölüşür kimi
hərəkət edir. Yoxsa nə üçün Gülənin Azərbaycan, Türkmənistan,
Qırğızıstan, Özbəkistan və Qazaxıstandakı məktəblərində CİA
agentləri olsun? Bu səbəbə görə də Rusiya və Ukrayna Gülən
məktəblərini bağladı. Gülənin təsiri Çinin Uyğur bölgəsində də var.
Bu formada CİA tərəfindən onsuz da müstəqil bir ölkə kimi qəbul
edilən Türkistanın Çindən asılı olmamasına çalışılır. Uyğurların
liderinin də ABŞ-ın Çikaqo şəhərində yaşaması təsadüfi deyil”.
“Gülən icazə vermədiyi müddətdə qadınlar 50 yaşına qədər
evlənə bilməzlər”
Məşhur professor 2013-cü ilin iyul ayında yazdığı bir məqalədə
isə bu iddiaları irəli sürür: “Gülənin binasında tələbə
yataqxanaları, istirahət yerləri, xaricilər üçün mehmanxanalar,
helikopter meydançası və atış təlimi sahəsi də var. 100 türkün
ətrafını qoruduğu bu qalaya bənzər binanın ətrafındakı qonşular
binadan gələn silah səslərindən narahat olduqlarını deyirlər. Bəzən
bir helikopterin bina üzərindən alçaqdan uçduğunu da bildirirlər.
Silahlı təlim keçən malikanədə yaşayan Gülənsə “terroru qınayıram”
deyir”.
Professor iddia edir ki, Gülən məktəblərində 130 CİA agenti
işləyir: “Məktəblər narkotik və silah qaçaqçılığı ilə
maliyyələşdirilir. Türkiyədə banklar və biznes dünyasına hökm edə
bilir. F. Gülən icazə vermədiyi müddətdə qadınlar 50 yaşına qədər
evlənə bilməzlər. Onların ailə quracağı kişiləri isə “xoca”
(Fətullah Gülən- red ) seçir”.
“Məqsəd CHP-ni ələ keçirməkdir”
“Əvvəllər Fətullah Gülənin malikanəsini çox ziyarət etdim.
Malikanəni idarə edənlər və ətrafdakı bütün qonşularla görüşdüm,
Gülən məktəblərindəki müdirləri danışdırdım. ABŞ-da Gülənin
malikanəsinə gedib-gələn bəzi insanların dediyinə görə camaat
AKP-ni tərk edib CHP-ni dəstəkləməyə qərar verib. Məqsədləri bu
partiyanı da ələ keçirməkdir. Bu düşüncənin planlaşdırıldığı yer
Gülənin Pensilvaniyadakı malikanəsidir. Əlbəttə, ABŞ Dövlət
Departamentindən dəstək alıblar. Gülənin CİA-ya xidmət etdiyi
aydındır”-deyə P. Uillams açıqlayır.
“Susurluq”la Gülən arasındakı bağlantıları açıqlayan kitab
yazıram”
Professor qeyd edir ki, “Susurluq” hadisəsi Türkiyədə dövlət içində
necə bir dövlət qurulduğunu, cinayət, mafiya və siyasət dünyasının
necə iç-içə keçdiyini ortaya qoymuşdur.
“Gülən CİA tərəfindən idarə olunan bir şəxsdir. İndi “Susurluq”
hadisələri ilə Fətullah Gülən arasındakı bağlantıları açıqlayan
kitab yazıram”-deyə o, bildirir.
Gülənin 50 milyard dollarlıq sərvəti var?
P. Uillams iddia edir ki, Gülən camaatı böyük bir heroin satışından
maliyyələşir. Onun iddialarına görə, F. Gülən ABŞ-da Yaşıl Kart
almaq üçün müraciətində 50 milyard dollarlıq bir sərvətə malik
olduğunu məhkəmə heyətinə gizlicə təqdim edibmiş: “Bu rəqəm bir
tədris qrupunun başında olduğunu belə rədd edən bir insan üçün
fantastik məbləğdir. Bu qədər para necə toplandı?”.
P. Uillams məhkəməyə təqdim edilən sözügedən sənədin onda
olduğunu və lazım olarsa, yaya biləcəyini vurğulayır.
Asif Nərimanlı
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO