Nida.az
Oqtay Əsədov qırğız həmkarını qəbul etdi
Bu gün Milli Məclisin sədri Oqtay Əsədov Qırğızıstan Joqorku Keneşin (parlament) sədri Asılbek Jeenbekovun başçılıq etdiyi nümayəndə heyətini qəbul edib.
Milli Məclisin mətbuat xidmətindən Publika.az-a verilən məlumata
görə, sədr qonağı səmimi salamlayaraq Türkdilli Ölkələrin Parlament
Assambleyası tədbirləri çərçivəsində ikitərəfli əlaqələrin ənənəvi
xarakter aldığını bildirib. Spiker belə görüşlərin əlaqələrimizin
inkişafına xidmət etdiyini söyləyib. Bildirilib ki, müstəqil
Azərbaycan çoxəsrlik tarixi kökləri olan xalqlarımız arasındakı
dostluğun daha da dərinləşməsinə böyük önəm verir.
Münasibətlərimizin keyfiyyətcə yeni səviyyəyə yüksəlməsində dövlət
başçılarının görüşləri böyük rol oynayıb. Qeyd edilib ki, son illər
dövlətlərarası münasibətlərin intensiv xarakter alması gələcək
əməkdaşlıq üçün yaxşı zəmin yaradır.
Spiker təəssüflə bildirib ki, iqtisadi sahədəki əməkdaşlığımız
mövcud potensiala cavab vermir: "Ümid edirik ki, yaxın gələcəkdə bu
sahədə dönüş yaranacaq".
Görüşdə parlamentlərarası əlaqələrdən danışan Mili Məclisin sədri
ölkə parlamentində Qırğızıstanla işçi qrupunun fəaliyyət
göstərdiyini söyləyib, Qırğızıstanın qanunvericilik orqanında da
Azərbaycanla ayrıca belə bir qrupun yaradılmasını dövrün çağırışı
kimi səciyyələndirib. Qeyd edilib ki, deputatlarımız nüfuzlu
beynəlxalq qurumlarda birgə səmərəli fəaliyyət göstərir, onları
düşündürən məsələlər ətrafında geniş fikir mübadiləsi
aparırlar.
O.Əsədov TürkPA-nın Bakıda keçiriləcək 5-ci plenar iclası barədə
danışaraq, bu təşkilatın Türk dünyasının birliyinə və inteqrasiya
proseslərinə, xalqların daha da yaxınlaşmasına xidmət etdiyini
vurğulayıb.
Səmimi qəbul üçün minnətdarlığını bildirən Qırğızıstan
parlamentinin sədri A.Jeenbekov ölkəmizə səfərindən və burada
gördüyü inkişafdan məmnun qaldığını söyləyib. O, ölkəsinin
Azərbaycanla həyatın müxtəlif sahələrində əməkdaşlığın inkişafında
maraqlı olduğunu qeyd edib.
Görüşdə TürkPA-nın 5-ci plenar iclasına hazırlıq məsələləri,
parlamentlərarası əlaqələrin inkişafı və tərəfləri maraqlandıran
digər məsələlər ətrafında fikir mübadiləsi aparılıb.
Qəbulda Milli Məclis Aparatının rəhbəri Səfa Mirzəyev,
deputatlardan Əhliman Əmiraslanov, Çingiz Qənizadə və digər rəsmi
şəxslər iştirak ediblər.
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR