• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Azərbaycanlı namizədin səsləri geri qaytarılacaqmı?

  • Nida.az
  • 1 İyul 2014 13:30
  • 429 Baxış
Azərbaycanlı namizədin səsləri geri qaytarılacaqmı?

Gürcüstan məhkəməsi azərbaycanlı namizədlə bağlı qərarını sabah verə bilər.

Gürcüstanda iyunun 15-də keçirilən bələdiyyə seçkilərində Vahid Milli Hərəkat Partiyasından Marneuli rayonu üzrə namizəd olan Əhməd İmamquliyev Publika.az-a açıqlamasında deyib ki, seçkilərin saxtalaşdırılması ilə bağlı ilkin məhkəmə qərarı olub: “Birinci qərar səslərin sayılması ilə bağlıdır. Təxminən 10 məntəqədə qanunsuz bülletenlərin olduğu aşkarlandı. İndi də ikinci turun keçirilməsi ilə bağlı məhkəmə işi olmalıdır. Biz əlimizdə olan bütün faktları məhkəməyə təqdim etmişik. İnanırıq ki, ikinci tur keçiriləcək”.

Ə. İmamquliyev bildirib ki, Gürcüstanın bir neçə bölgəsində seçkinin nəticələri ləğv edilərək ikinci tur keçirilib.

“Saxtakarlığın ən çox baş verdiyi bölgələrdən biri də Marneulidir. Biz sona qədər gedəcəyik və ikinci turun keçirilməsinə nail olacağıq”, - deyə o qeyd edib.

Qeyd edək ki, iyunun 15-də keçirilən bələdiyyə seçkilərində azərbaycanlıların yaşadığı Marneuli rayonunda hakim “Gürcü arzusu” koalisiyasının namizədi Merab Topçıvaşvili qalib elan olundu. Lakin əhalinin ən çox dəstəklədiyi azərbaycanlı namizəd seçkinin nəticələrini tanımayaraq məhkəməyə müraciət edib.

Asif

Xəbər lenti

DAHA ÇOX XƏBƏR