• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

“Azərbaycanın yanındayıq”- Erməni sərhədindən İrəvana mesaj

  • Nida.az
  • 12 Avqust 2014 14:15
  • 628 Baxış
“Azərbaycanın yanındayıq”- Erməni sərhədindən İrəvana mesaj

Türkiyə Azərbaycan Dərnəyinin sədri Ənvər Türkoğlu və təşkilatın İğdır şöbəsi İdarə Heyətinin üzvləri İğdırdakı Əlican Türkiyə-Ermənistan sərhəd-keçid məntəqəsinin qarşısından Azərbaycana dəstək mesajı göndərib.

Publika.az-a Diasporla İş üzrə Dövlət Komitəsindən (DİDK) verilən məlumata görə, Əlican qapısına geniş bir heyətlə gələn təşkilat üzvləri son vaxtlar Ermənistanın hücumları nəticəsində Azərbaycan əsgərlərinin şəhid olmasından dərin kədərini ifadə edərək “Azərbaycanın yanındayıq” mesajını veriblər.


Türkiyə - Azərbaycan Dərnəyinin sədri Ə.Türkoğlu açıqlamasında Azərbaycan və Ermənistan qoşunlarının təmas xəttində yaşanan gərginliyin məhz Ermənistan tərəfinin hücumlarından qaynaqlandığını vurğulayıb.
Ə. Türkoğlu Azərbaycanın şəhid olmuş əsgər ailələrinin dərdini bölüşdüyünü və yaralılara şəfa dilədiyini deyib. Azərbaycanın hər zaman bölgədə sülh və sabitliyin tərəfdarı olduğunu bildirən Ə.Türkoğlu “Azərbaycanın Ermənistanın hücumlarının qarşısını alacaq gücü var.

Son günlər cəbhə xəttində Azərbaycan ordusunun güclü duruşu bunu bir daha sübut etdi”, – deyib.
Ən yaxın zamanda Dağlıq Qarabağ və ətraf rayonların azad olunacağına ümid bəsləyən təşkilat sədri bu yolda Azərbaycan və Azərbaycan əsgərinə hər bir dəstəyi göstərəcəklərini deyib.
Ə. Türkoğlu eyni zamanda Türkiyə ilə Ermənistan arasındakı Əlican sərhəd-keçid məntəqəsinin ancaq Azərbaycan torpaqlarının işğaldan azad edildikdən sonra açıla biləcəyini, digər şərtlərdə bunun qəbuledilməz olduğunu söyləyib.

Asif

Xəbər lenti

DAHA ÇOX XƏBƏR