Nida.az
Dağıstanda Qurbanovlara qarşı şok “təmizləmə” əməliyyatı – Özəl
Avqustun 8-də Dağıstan Daxili İşlər Nazirliyinin İqtisadi Cinayətkarlığa qarşı Mübarizə İdarəsinin maskalı əməkdaşları Dərbənd rayon icra hakimiyyətinin binasına basqın edib.
Publika.az-ın Dağıstandakı mənbələrdən əldə etdiyi məlumata görə, əməliyyat zamanı son 7 ilin bütün sənədləri müsadirə edilib.
İdarə əməkdaşlarının icra hakimiyyətinin işçilərinə qarşı zorakılıq etdiyi deyilir. Avqustun 11-də isə Dağıstan Hesablama Palatası icra hakimiyyətinə gələrək Qurban Qurbanovun fəaliyyətini araşdırmağa başlayıb. Hazırda Dərbənd icra hakimiyyətinin fəaliyyətinin iflic olduğu bildirilir. Q. Qurbanov isə bununla bağlı keçirdiyi mətbuat konfransında ona qarşı təzyiqlərin olduğunu deyərək keçirilən əməliyyatları qanunsuz adlandırır.
“Dağıstan rəhbərliyi mənə qarşı mütəmadi şəkildə təzyiqlər edir. Məcbur edirlər ki, istefa ərizəmi yazım. Mənə qarşı təzyiqlərin olması ilə qardaşımın vəzifədən çıxarılması arasında uyğunluq var”, - deyə Dərbəndin azərbaycanlı rəhbəri bildirib.
Məlumat üçün bildirək ki, Q. Qurbanovun qardaşı Maqomed Qurbanov Dağıstanın Azərbaycandakı nümayəndəliyinin rəhbəri olub. Ötən il Muxtar Dağıstan Respublikasının rəhbəri Ramazan Abdulatipov tərəfindən vəzifəsindən çıxarılıb. Yayılan məlumatlara görə, Qurbanovlar ailəsinə qarşı təzyiqlər Dağıstanın avar klanı tərəfindən həyata keçirilir. Əsas səbəb kimi isə onların rəsmi Bakı ilə yaxın münasibətlərə malik olmasıdır.
M. Qurbanovdan sonra Dağıstan nümayəndəliyində rəhbər postu bir
ilə yaxın boş qalıb. Yalnız ötən ay Abdulatipovun sərəncamı ilə
kumık əsilli Marat İsgəndərov nümayəndəliyə rəhbər təyin
edilib.
Qeyd edək ki, R. Abdulatipov iyulun 23-də Dağıstan dövlət
televiziyasında çıxışı zamanı Dərbənd icra hakimiyyətinin rəhbəri
Q. Qurbanovu istefaya çağırıb. Buna etiraz olaraq 1000-ə yaxın
azərbaycanlı icra hakimiyyəti binasının qarşısına toplaşaraq etiraz
aksiyası keçirib. Q. Qurbanov “mənə 47 min insan səs verib, mənim
istefa vermək fikrim yoxdur” açıqlaması ilə çıxış edib.
Məlumata görə, Q. Qurbanova qarşı aparılan əməliyyatlar onun əvəzlənməsi ilə bağlıdır. Mənbə onun yerinə əslən tabasaranlı olan keçmiş ədliyyə naziri Azadi Rəhimovun gətiriləcəyini deyir.
Asif Nərimanlı
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR