• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Rüstəm İbrahimbəyovun susan zəngi: Əli Kərimli Milli Şuraya kimləri gətirdi?

  • Nida.az
  • 15 Sentyabr 2014 15:53
  • 518 Baxış
Rüstəm İbrahimbəyovun susan zəngi: Əli Kərimli Milli Şuraya kimləri gətirdi?

Milli Şura uzun sürən fasilədən sonra sentyabrın 14-də sessiyasını keçirib.

Publika.az xəbər verir ki, ölkədəki vəziyyət, qurumun fəaliyyəti və bir sıra məsələlər müzakirə olunub.


Diqqətçəkən məqam KXCP sədrinin, ümumiyyətlə klassiklərin sessiyada iştirak etməməsidir.

Qeyd edək ki, son sessiyada partiya ilə Mili Şura arasında qalmaqal yaranmışdı. Qalmaqala səbəbsə AXCP sədri Əli Kərimlinin qurumu öz partiyasının üzvləri hesabına genişləndirmək istəyi olub. Buna qədər KXCP-ni qərargahında keçirilən sessiyalar sonradan dayandırıldı.
KXCP qurumdan rəsmi olaraq istefa verməsə də, faktiki olaraq aralanıb. Mirmahmud Mirəlioğlunun Müsavat başqanı İsa Qəmbərlə yaxınlaşması da buna nümunədir.

Dünənki sessiyaya qatılmamaqla bağlı M. Mirəloğlu Publika.az-a deyib ki, bu barədə danışmaq istəmir. O, ümumiyyətlə Milli Şura ilə bağlı sualları cavablandırmaq istəmədiyini açıqlayıb.


KXCP sədrinin müavini Xəzər Teyyublu isə Publika.az-a bildirib ki, paytaxtda olmadığı üçün sessiyaya qatıla bilməyib.


KXCP-nin sessiyaya qatılmaması haqda Milli Şura sədri Cəmil Həsənli də danışmaq istəməyib. O, səbəbi KXCP-nin açıqlamalı olduğunu deyib.


Sessiyada diqqət çəkən digər məqam qurumun fəxri sədri və ağsaqqalı hesab olunan Rüstəm İbrahimbəyovun telefonla qoşulmaması olub. Hansı ki, sessiyadan bir gün əvvəl C. Həsənli mediaya açıqlamasında demişdi ki, gündəliyi R. İbrahimbəyovla razılaşdıracaq. Həmçinin, sessiyanın gedişində onunla telefon əlaqəsi yaradılacaq.

Sessiyada Milli Şuranın sıralarına 8 nəfər qəbul olunub. Belə ki, Avropada yaşayan Qənimət Zahid, Ukraynada yaşayan Yalçın Qəhrəmanov, həmçinin Avropada yaşayan polkovnik İsa Sadıqov, bundan başqa, Fəxrəddin Mehdiyev, Vahid Məhərrəmov, Məhəmməd Talıblı, Araz Gündüz quruma üzv olublar.


Qeyd edək ki, yeni üzvlərin hər biri bu və ya digər formada AXCP sədri Əli Kərimliyə yaxınlığı ilə seçilir.


Asif

Xəbər lenti

DAHA ÇOX XƏBƏR