Nida.az
Azərbaycan Avronest üzvlüyünə yenidən baxa bilər - Açıqlama
Azərbaycanın Avronest PA-da nümayəndə heyətinin rəhbəri Elxan Süleymanov Avropa Parlamentinin Prezidenti Martin Şultsa, AP-nin bütün üzvlərinə, eləcə də Avronest PA-nın Ermənistan nümayəndəsi istisna olmaqla, Büro üzvlərinə bəyanat ünvanlayıb.
E. Süleymanovun seçki qərargahından Publika.az-a
verilən məlumata görə, bəyanatda bildirilir ki, bu sənəd
Azərbaycanın Avronest PA Təşəbbüsünə üzvlüyü və bu qurumda iştirakı
ilə bağlı son addımı kimi yazılıb: “Avropa Parlamentinin böyük
sayda üzvünü dünyada sülh və əməkdaşlığın dostları hesab etdiyimiz
üçün bu mühüm məsələyə dair sizin cavabınızı, sizin fikrinizi
öyrənmək istərdim. Mən bildirirəm ki, Avronest uğursuzluğa uğramış
bir təşəbbüsdür. Bu təşəbbüs müzakirə üçün yeni beynəlxalq forum
yaratmaq cəhdi idi, lakin hazırda qərarsızlıq, bayağılıq və ikili
standartlarla xarakterizə olunur. Təşkilat həm Avropa İttifaqı, həm
də Ermənistan, Azərbaycan, Belarus, Gürcüstan, Moldova və Ukraynaya
təsir göstərən əsas problemlərə ümumi həll yolu tapmaq əvəzinə,
yalnız ən az vacib, qeyri-müəyyən məsələləri müzakirə edir və sonda
bəyanat və qərarlardan başqa, heç bir nəticə əldə edilmir. Bunların
ən pisi Avropa Parlamentinin rəftarıdır. Guya etibarlı tərəfdaş
olan parlament tərəfdaşlarına münasibətdə ikili standart nümayiş
etdirir. Əgər AP davamlı olaraq mənfi və səmərəsiz məruzə və
qətnamələr dərc etdirir və qəbul edirsə, Azərbaycan nümayəndə
heyətinin üzvləri AP deputatlarının bəyanatları, vədləri və
bəyannamələrinə necə inana bilər? Parlament Avronest-də açıq və
dostyana ismarışlar verdiyi halda, Strasburq plenar iclasında
ölkəmizə qarşı ağır və əsassız ittihamlar irəli sürən sənədlər
qəbul edirsə, o, necə legitimlik iddia edə bilər? Avropa Parlamenti
bir tərəfdən hüququn aliliyini önə çəkən sənədlər dərc etdirən,
digər tərəfdən isə tərəfdaş ölkələrinin məhkəmə proseslərinə fəal
müdaxilə etməyə cəhd göstərən tərəfdaşla əməkdaşlıq edərdimi?
Düşünmürəm. Eyni zamanda artıq düşünmürəm ki, Azərbaycan Parlamenti
belə riyakarlığı legitim hesab edər”.
Millət vəkili eyni zamanda bəyanatında bir faktı qeyd edir ki,
Avronest “Şərq Tərəfdaşları”nın ən böyük narahatlıqları ilə məşğul
olmağa qadir təşkilat elan edilib: “Lakin elə davranır ki, sanki
erməni əsgərləri Azərbaycanın Dağlıq Qarabağ və ətraf rayonlarını
işğal etməyib! Avronest saysız-hesabsız BMT, ATƏT və hətta AP
qətnamə və sənədlərinin pozulmasını xatırlatmamaq və bununla məşğul
olmamaqla, erməni təcavüzkarlarının xeyrinə açıq qərəz nümayiş
etdirir. Bundan əlavə, Ermənistan Avrasiya Gömrük İttifaqına
qoşulmasına və Avropa İttifaqı ilə əməkdaşlığı etibarıszlaşdıran
akt imzalamasına baxmayaraq, hələ də Avronest-in üzvüdür. Bununla
bağlı Avropa Parlamenti hələ də heç bir bəyanat verməyib. Əziz
üzvlər, biz bütün bunlardan nə nəticəyə gəlirik? Biz belə bir
nəticəyə gəlirik ki, nə baş verirsə-versin, Ermənistan
mükafatlandırılacaq, Azərbaycan isə təhqir ediləcək, maraqları
diqqətdən kənarda qalacaq, hüququn aliliyi əməkdaşlıq və dostluq
istədiyini iddia edən qurum tərəfindən daima hücumlara məruz
qalacaq. Bu səbəbdən sizdən soruşuram: Azərbaycan nə üçün
Avronest-də üzvlüyünü davam etdirməlidir? Biz həqiqi bərabər
münasibət gözləyə bilərikmi? Cavabınızı bilmək istəyirəm”.
Asif
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO