Müsavatın yeni başqanı sərəncam verdi
Bizi izləyin
Kanon

Nida.az

Müsavatın yeni başqanı sərəncam verdi

Müsavat Partiyasının yeni başqanı Arif Hacılı sərəncamlar imzalayıb.

Publika.az xəbər verir ki, yeni başqan partiya nizamnaməsinin 4.11-ci maddəsini rəhbər tutaraq Müsavatın Mərkəzi İcra Aparatının partiyanın yeni icra strukturları yaradılanadək öz funksiyalarını həyata keçirməsinə dair qərar verib.

Yeni başqanın digər sərəncamına əsasən, Müsavat Partiyasının Məclisi oktyabr 11-i saat 11.00-da toplanacaq.

Eyni zamanda, partiya Məclisinin oktyabrın 11-də keçiriləcək sessiyasında MNTK və sərbəst Məclis üzvlüyünə boş qalmış yerlərə seçkilər keçirilməsi qərara alınıb.

Namizədlərin irəli sürülməsi müddəti oktyabrın 1-i saat 12.00-dan oktyabrın 10-u saat 17.00-dək müəyyən ediləcək. Ərizələr yazılı şəkildə Müsavat Partiyası Mərkəzi İcra Aparatının Təşkilat şöbəsinə təqdim olunmalıdır.

Asif

Oxumağa davam et
Reklam
Reklam

Gündəm

Kanon