Nida.az
Vitse-spiker: “Ermənistan öz vətəndaşlarını da qurban verir” – Müsahibə
Milli Məclis sədrinin müavini, ATƏT Parlamentində Assambleyasında Azərbaycan nümayəndə heyətinin rəhbəri Bahar Muradovanın Publika.az-a müsahibəsi
- Bahar xanım, Ermənistan helikopteri Azərbaycan səmasından
uçan zaman hərbçilərimiz tərəfindən zərərsizləşdirildi. Qarşı tərəf
Paris görüşündən sonra işğal etdiyi Azərbaycan torpaqlarında hərbi
təlimlər keçirməklə təxribat xarakterli addımlar atdı. Sizcə,
Ermənistanın bu addımı danışıqlar prosesini pozmağa
yönəlməyibmi?
- 22 ildən artıq bir müddətdə Azərbaycan torpaqlarını işğalda
saxlayan Ermənistan bununla təcavüzkar siyasətini bir daha nümayiş
etdirdi. Təmas xəttinə yaxın ərazilərdə baş verən çoxsaylı
insidentlərin məqsədi də diqqəti əsas məsələdən yayındırmaqla
problemin özünə yox, ayrı-ayrı elementlərinə cəlb etməkdir. Hesab
edirəm ki, son dövrlərdə prezidentlər arasında danışıqların
getməsinə, həmsədrlərin müəyyən müsbət məqamların olacağına işarə
vurmasına baxmayaraq, reallıqda vəziyyət tamamilə başqa cürdür. Biz
son vaxtlar Ermənistanın əvvəlkindən daha çox təxribat xarakterli
hərəkətlərə yol verdiyinin şahidi oluruq. Təmas xəttinə yaxın
ərazilərdə təlimlərin keçirilməsi bunun əyani sübutudur. Ermənistan
ordusu “Dağlıq Qarabağ Respublikası” adlandırılan qondarma quruma
aid olduğunu elan edərək, Azərbaycan ərazisində hərbi təlimlər
keçirib. Sayı həmin ərazidə yaşayan və Azərbaycan vətəndaşları olan
ermənilər və kənardan ora köçürülənlərdən qat-qat çox olan canlı
hərbi qüvvənin “DQR” ordusu olması mümkün deyil. Onların bu qədər
canlı qüvvəsi, döyüş texnikası, hava hücumuna dair qüvvələrinin
olmadığını hər kəs bilir. Bu ordu birmənalı şəkildə Ermənistana
məxsusdur. Vurulmuş helikopterin içindəki şəxslərin Ermənistan
vətəndaşı olması da bu ərazilərin düşmən ölkə tərəfindən işğal
edildiyini bir daha sübut etdi.
Azərbaycan hərbi qüvvələri hava məkanımıza girən helikopteri zərərsizləşdirməklə doğru olan addım atdı. Bu faktın özü ermənilərin və erməni təcavüzünə dəstək verən beynəlxalq dairələri düşünməyə vadar edəcək. Status-kvonun saxlanılmasına yönəlik siyasət yeridiləcəksə, Ermənistan bir o qədər artıq cinayətlərə əl atacaq və bunun üçün öz vətəndaşlarını belə qurban verməkdən çəkinməyəcək.
- Helikopterin vurulmasına görə Azərbaycanı beynəlxalq
hüquq baxımından günahlandıra bilərlərmi?
- Azərbaycanın addımları bütün mənalarda adekvatdır. Çünki hava
məkanının təhlükəsizliyi, dövlətlərarası münasibətlər, silahlarla
nəzarət, qeyri-qanuni birləşmələrin başqa ölkələrin ərazisində
yerləşdirilməsi, qeyri-qanuni hərbi birləşmələrin silah-sursatla
təmin edilməsi kimi beynəlxalq hüquqla tənzimlənən məsələlər var.
Ermənistanın adı bütün bunlarda, eləcə də bu işləri qeyri-qanuni
mənbələrdən maliyyə vəsaiti ilə həyata keçirməkdə əsas iştirakçı
olaraq hallanır. Bu baxımdan, Azərbaycanın bütün addımları
beynəlxalq hüquqa əsaslanıb. Helikopter Azərbaycan ərazisində,
təmas xəttinə yaxın yerdə vurulub. Bura Ermənistan ərazisi deyil.
Azərbaycanın addımları tam qanunidir. Buna görə heç kimin
Azərbaycana hüquqi baxımından təzyiq göstərmək imkanı yoxdur.
Əlbəttə, siyasi və digər məqsədlərə görə təzyiqlər ola bilər. Amma
Azərbaycan öz mövqelərində ədalətlidir.
- Helikopterin vurulmasına görə həmsədr ölkələr, beynəlxalq
dairələr narahtlılıqlarını ifadə etdilər. Amma heç kim Azərbaycanın
hava məkanının pozulduğu faktını vurğulamadı. Bu, nədən irəli
gəlir?
- Ermənistan beynəlxalq ictimaiyyətin ərköyün və pis uşağı kimi
çıxış edir. Onun törətdiyi əməllər, hərbi və insani cinayətlər,
eləcə də təcavüzkar siyasət beynəlxalq ictimaiyyətin diqqətindən
kənarda qalır. Buna görə də helikopterin vurulmasına yeridilən bu
siyasət və Ermənistanın təxribat hərəkətlərinin nəticəsi kimi
baxılmalıdır. Bütün bu hərəkətlərin məsuliyyəti Ermənistanın
üzərinə düşür. Buna diqqət yetirməmək, yalnız faktın özünə və
helikopterdə həlak olanlara görə təəssüflənmək, onların ailələrinə
başsağlığı vermək məsələnin mahiyyətini kənara qoyub elementlərlə
baş qatmaq məqsədi daşıyır. Bu, adekvat yanaşma deyil. Beynəlxalq
ictimaiyyət məsələyə köklü yanaşmanı ortaya qoymalıdır. Ermənistan
da bundan nəticə çıxarmalıdır. Əks təqdirdə, cəzasızlıqdan doğan
məsuliyyətsizlik daim baş alıb gedəcək. Halbuki bu, hazırda
Ermənistanın bütün siyasəti və fəaliyyətində açıq-aşkar özünü
göstərir.
Asif Nərimanlı
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək