Nida.az
Çərkəzlər də İŞİD-ə biət etdi: Qafqazda təhlükəli gələcək - ŞOK
Ötən həftə Dağıstanda “əmir Süleyman” Auxovski camaatı İŞİD lideri Əbu-Bəkr Əl-Bağdadiyə biət etdi. Bu bölgə, eləcə də Azərbaycan üçün İŞİD-in yaxın Şərqdən Qafqaza gəlməsi təhlükəsi deməkdir.
Publika.az xəbər verir ki, Şimali Qafqazda daha
bir “camaat” İŞİD-ə biət etdiyini açıqlayıb.
Çeçen mücahidlərinə yaxın saytların məlumatına görə, Əbu-Hatab
Əl-Çərkəzinin liderliyi ilə bir qrup çərkəz “İslam dövlətini”
dəstəklədiklərini açıqlayıb. Onlar Suriyanın “Beer Ajam” çərkəz
kəndindən bölgəyə gəliblər. Bir qrup mücahid ötən ayın 27-də İŞİD-ə
dəstək videosu hazırlayıb.
Vətəndaş müharibəsi başlayandan sonra Suriyada yaşayan çərkəzlərin
Şimali Qafqaza axın etdiyi deyilir. Onlar Əsəd zülmündən
Qaraçay-Çərkəz və Kabarda-Balkar bölgələrinə gəliblər. Bura Suriya
çərkəzləri üçün tarixi vətən hesab olunur. Statistikaya görə, bu
ilin oktyabr ayında 1624 çərkəz Suriyanı tərk edib. Onlardan min
nəfərdən çoxu Kabarda- Balkara, 600 nəfəri Adıgeyə, 24-ü Qaraçay
Resıpublikasına gəlib.
İndiyə qədər 12 mindən artıq çərkəz Suriyadan çıxıb. Onların 6 mini
Türkiyəyə, 4 mini İordaniyaya, 2 mindən çoxu isə müxtəlif ölkələrə
üz tutub. Suriyadakı çərkəz təşkilatlarının məlumatına inansaq,
qaçqınların sayı 15 mindir.
Rusiya hökuməti Suriya çərkəzlərinin ölkəyə daxil olmasının
qarşısını alır. Lakin Şimali Qafqazdakı çərkəz fəallar öz
soydaşlarının qeyri-qanuni yolla bölgəyə girişini təmin edirlər.
Onlardan radikal dindarlar çərkəzlərin ruslardan xilas yolunu,
dolayısı ilə müstəqillik əldə etmələrinin yeganə yolu kimi “islam
dövləti”ni dəstəkləməkdə görürlər.
Çeçen mücahidləri bu məsələdə maraqlıdır. Onların fikrincə,
Şimali Qafqaz xalqları “islam dövləti”nin “Qafqaz əmirliyi” adı
altında birləşməli və beləliklə öz talelərini özləri həll
etməlidir. Lakin İŞİD-i dəstəkləyənlər çərkəzlərin çox az
hissəsidir.
Qeyd edək ki, çərkəzlər türkdilli xalqlardır. Şimali Qafqazda onların sayı 60 mindən artıqdır. XIX əsrdə onların bir qrupu Yaxın Şərqə sürgün edilib.
Şimali Qafqazda İŞİD-ə dəstəyin artması Qafqaz üçün təhlükəli
gələcək vəd edir. Bu Rusiya sərhədləri daxilində olmaqla, ilk
növbədə Moskvaya, daha sonra isə bölgə ölkələrinə də təhdiddir.
Asif Nərimanlı
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR