Nida.az
“Dərin Müsavat namizədliyimə qarşı çıxır”- Müşavirdən şok açıqlama
“Müsavatın üzvü olmayıb, lakin özünü Müsavatın dərin dövlətində
hiss edənlər mənim başqanlığa namizədliyimə qarşı çıxır”. Bu barədə
Müsavat başqanının müşaviri Səxavət Əlisoy Publika.Az –a açıqlamasında partiyada başqanlı
məsələlərinə münasibət bildirərkən deyib.
O bildirib ki, onlar həmin adamlarla qarşı-qarşıya gələcəklər: “Mənim bioqrafiyam ortadadır. Mən heç kimin qarşısında gözü kölgəli deyil. Mən şüurlu şəkildə müsavata qoşulmuşam və 1500 nəfər heyəti olan xəstəxananın baş həkimliyindən könülü şəkildə imtina etmişəm. Mübarizəm sağlam, intellektə söykənən mübarizədir. Mən nə yaşıma, nə əxlaqıma ziddi olan mübarizəni əsla seçmərəm”.
S. Əlisoy qeyd edib ki, bir qədər araşdırsalar “dərin Müsavat”da kimlərin olduğunu görmək olar: “Amma dərin dövlətdə özünü hiss edənlər halından da məmnun görünməsinlər. Çünki hörmətli İsa Qəmbər onlara demişdi ki, Müsavat kimsənin atasının partiyası deyil, kimsə Müsavatı özəlləşdirə bilməz. Müsavat ümumxalq dəyəridir, buranı kimsə özünün sexi fabriki, şirkəti kim düşünürsə, yanlışlığa yol verir. O adamlar eyforiyaya qapılıblar”.
Lakin o, hər şeyə rəğmən başqanlığa namizədliyini verəcəyini bildirib. S. Əlisoy qeyd edib ki, gücü hara qədər çatacaqsa, ora qədər də gedəcək: “Sabah başqanlıq yarışı olacaqsa tayfabazlıq, dəstəbaşçılıq, regionçuluq əleyhinə olan adam kimi namizədliyimi verəcəm. Bu qərarımı hələ 2012-ci ildə bildirmişəm, o zamandan da bəziləri buna qarşı çıxmağa başlayıb. Mən özüm hələ gözləmə mövqeyindəyəm. Istəyirəm ki, bəzi adamların sifətləri tam açılsın. Başqanlığa namizədlər rəsmi qaydada qeydiyyata alınmağa başlayanda, mən də irəli sürəcəm. Bu qərarım qətidir və öz kampaniyamı aparacam. Mənim aparacağım kampaniya ləyaqət çərçivəsində olacaq. O zaman da sözümü deyəcəyəm”.
Müşavir partiya daxilində başqanlıqla bağlı iki qrupun
yaradıldığı, bir qrupa Arif Hacılı, digərinə isə onun rəhbərlik
etdiyi barədə iddialara da münasibət bildirib.“Azərbaycanın siyasi
həyatda xüsusilə müxalif düşərgəsində yekə-yekə kişilərin təndir
başı dul arvad obrazına girməsini təbii qarşılayıram. Çünki onların
başqa yolu yoxdur. İçində olan enerjini belə səfeh fikirlərə sərf
edirlər. Məni partiyadan tanıyanlar bilirlər ki, mən heç bir
qruplaşmada olmamışam, heç bir qruplaşma təşkil etmək mənim işim
deyil. Kimlərsə qruplaşma təşkil edə bilər, mənsə yox. Sadəcə
olaraq mən namizədliyimi irəli sürəcəyimi deyəndən sonra
bəzilərinin sancısına səbəb olub. Lakin nə Arif Hacılı, nə də
digərləri ilə qarşılıqlı ittihamlarımız yoxdur”-deyə İsa Qəmbərin
müşaviri vurğulayıb.
Asif Nərimanlı
-
Hadisə20:48
Azərbaycanda dönərdən KÜTLƏVİ ZƏHƏRLƏNMƏ: aralarında tələbələr də var
-
Nida Xəbər 20:24
Vəzifədən azad edilən eks-baş nazir DANIŞDI: "Adamı əsəbiləşdirirlər"
-
Sosial19:48
Azərbaycanda faciəvi şəkildə ölən prokurorun FOTOSU
-
Magazin119:24
Aygün Bəylərin ailəsi tiktoker Ləmanı polisə şikayət etdi - FOTO
-
Sosial18:50
Şəhidin yeganə qardaşı vəfat etdi, cinayət işi açıldı - FOTO
-
Art18:40
“Sehirli xalat"ın sehri nədə idi? - VİDEO
-
Sosial17:53
Bakıda ev fantastik qiymətə kirayə verilir - FOTO
-
Sosial17:17
Gəncə Şəhər Birləşmiş Xəstəxanasının vəzifəli şəxsi həbs olundu