Nida.az
Nyu Meksikoda türk dünyası ziyafəti
Fevralın 16-da ABŞ-ın Nyu Meksiko ştatının paytaxtı Santa Fe şəhərinin mötəbər tarixi binalarından sayılan “La Fonda” mehmanxanasında “Amerikalı və Avrasiyalıların Turkuaz Şurası” (Turquoise Council of Americans and Eurasians) adlı ABŞ türk icması təşkilatı tərəfindən “Nyu Meksiko – Türk Dünyası ziyafət axşamı” təşkil olunub.
Azərbaycanın ABŞ-dakı səfirliyindən Publika.Az –a verilən məlumata görə, tədbirdə
Nyu Meksiko ştatının ədliyyə naziri Qari K. Kinq (Attorney General
of New Mexico Gary K. King), maliyyə naziri Ceyms B. Lyuis (State
Treasurer James B. Lewis), Nyu Meksiko ştatının Senatı və
Nümayəndələr Palatasının bir sıra üzvləri iştirak ediblər.
Azərbaycanı tədbirdə Vaşinqtondakı səfirliyimizin müşaviri Məmməd Talıbov təmsil edilib.
Tədbir zamanı çıxış edən M. Talıbov Azərbaycanla ABŞ arasında mövcud olan strateji tərəfdaşlıq, Azərbaycan rəhbərliyinin məqsədyönlü və uzaqgörən siyasəti nəticəsində ölkəmizin regionun liderinə çevrilməsi, Bakı-Tiflis-Ceyhan, Bakı-Tiflis-Ərzurum boru kəmərləri və Bakı-Tiflis-Qars dəmir yolu xətti kimi irimiqyaslı layihələrin həyata keçirilməsi barədə, həmçinin Azərbaycanın TANAP və TAP layihələri vasitəsilə Avropanın enerji təhlükəsizliyinə mühüm töhfəsi barədə tədbir iştirakçılarını məlumatlandırıb.
Azərbaycanlı diplomat regiondakı təhlükəsizliyə təhdid olan yeganə problemin Dağlıq Qarabağ münaqişəsinin həll olunmamış qaldığını vurğulayaraq, bu kontekstdə Dağlıq Qarabağ münaqişəsinin beynəlxalq hüquq prinsip və normaları, BMT Təhlükəsizlik Şurasının müvafiq qətnamələri çərçivəsində tezliklə həll olunmasına ABŞ Administrasiyasının səylərini artırmağa çağıran qətnamənin qəbul edilməsinə görə Nyu Meksiko Senat və Nümayəndələr palatasının üzvlərinə təşəkkürünü bildirib.
Tədbir zamanı çıxış etmiş senator və nümayəndə palatasının üzvləri keçən ilin may ayında Bakıda keçirilmiş Azərbaycan-ABŞ Konvensiyasında iştirak üçün ölkəmizdə səfərdə olduqlarını qeyd edərək onlara göstərilmiş qonaqpərvərlik və mehribançılığa görə minnətdarlığını bildiriblər. Onlar Nyu Meksiko ştatı ilə Azərbaycan Respublikası arasında əməkdaşlığın genişlənməsinə çağırıblar.
17 fevral tarixində Azərbaycan nümayəndəsi Nyu Meksiko senatının
rəhbərliyi ilə görüşlər keçirib. Görüşlər zamanı Azərbaycanın
regionda mühüm rolu, habelə Nyu Meksiko ştatı ilə ölkəmiz arasında
müxtəlif sahələrdə əməkdaşlıq perspektivləri müzakirə olunub.
Asif
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR