Nida.az
Azərbaycanlı deputat AŞPA prezidentini ermənipərəstlikdə ittiham etdi
Azərbaycanın Avropa Şurası Parlament Assambleyasında (AŞPA) nümayəndə heyətinin üzvü, millət vəkili Elxan Süleymanov AŞPA prezidenti Ann Brassörə müraciət ünvanlayıb.
Publika.az-a daxil olan müraciət A. Brassörin adından qurumun rəsmi
saytında dərc olunan “AŞPA prezidenti Ermənistanın islahat
yolundakı davamlı irəliləyişini təqdir edir” başlıqlı pres-relizlə
bağlıdır.
E. Süleymanov AŞPA prezidentinin “Dağlıq Qarabağ münaqişəsi” ifadə
formasından istifadə etdiyinə görə etiraz edib.
“Siz bu mətbuat mətnində iki dəfə “Dağlıq Qarabağ münaqişəsi” ifadə
formasından istifadə edirsiniz. Halbuki rəsmi təmsil etdiyiniz AŞPA
öz aparıcı qurumlarında bu münaqişəni rəsmi olaraq “Azərbaycanın
Dağlıq Qarabağ və digər yeddi ərazisinin işğalı” kimi səsləndirməyi
dəfələrlə təsdiqləyib. Biz anlayırıq ki, baş katibiniz cənab
Saviçki AŞPA administrasiyasının rəhbəri və AŞPA-nın bütün mətbuat
mətnlərinin baş redaktoru kimi AŞPA qurumlarının bu müstəvidəki
aydın qərarlarını davamlı olaraq rədd edir. Həqiqətən də bu günə
qədər AŞPA-nın bu məsələyə dair bütün pres-relizlərində AŞPA-nın
ifadə forması (bu, digər beynəlxalq təşkilatların ifadə formasına
uyğundur!) deyil, Ermənistanın ifadə forması işlənir.
Xatırlayarsınız ki, bu məsələyə dair məruzənin başlığının dəqiq
ifadəsi AŞPA Bürosunda xeyli gərgin və uzunmüddətli müzakirə
mövzusu olmuşdu. Çünki bu həssas məsələdə hər söz bütün aidiyyəti
tərəflər üçün həqiqətən siyasi əhəmiyyət daşıyır. Nəticə etibarilə,
Büroda böyük əksəriyyətin dəstəyi ilə “Azərbaycanın Dağlıq Qarabağ və işğal edilmiş digər
ərazilərində… (gərginliyin artması)” ifadə forması
qəbul edilmişdi. Monitorinq Komitəsinin Parisdə keçirilən 17 mart
tarixli iclasında Ermənistanın nümayəndəsi, eləcə də sizin 13-15
aprel tarixli Ermənistana rəsmi səfəriniz zamanı bu ölkənin
prezidenti, parlament spikeri və digər rəsmilər sizə hücumlar
edərək müzakirəni yenidən açmağa və bu ifadə formasını, məhz
pres-relizinizdə ifadə etdiyiniz kimi, “Dağlıq Qarabağ
münaqişəsi” kimi sadələşdirərək, bir daha dəyişməyə cəhd
göstərdilər! Bir neçə həftə əvvəl Strasburqda Siyasi Məsələlər
Komitəsində Ermənistanın buna bənzər cəhdi də böyük çoxluqla rədd
edildi”, - deyə müraciətdə qeyd olunub.
Azərbaycanlı millət vəkili qeyd edib ki, ermənilərin Büro, Siyasi
Məsələlər Komitəsi və Monitorinq Komitəsində Dağlıq Qarabağ və
Azərbaycanın digər ərazilərinin silahlı işğalı reallığını inkar
etmək istiqamətindəki bütün cəhdləri sonda AŞPA-nın bu qurumlarında
yalnız dəyərli vaxt və enerji itkisi ilə nəticələndi: “Lakin
göründüyü kimi, yalnız siz, qurumun prezidenti kimi AŞPA-nın bütün
aparıcı qurumlarının verdiyi aydın qərarlara qarşı çıxaraq,
ermənilərin fikrini açıq müdafiə edirsiniz. Buna baxmayaraq, dünən
sözügedən pres-relizinizdə “Prezident kimi, Assambleya
qurumlarının verdiyi qərarların icrasına zəmanət vermək mənim
vəzifəmdir” deyə vurğulamısınız. Sizin bu açıq-aşkar
ziddiyyətli yanaşmanızın məni nə üçün təəccübləndirdiyini
anlayırsınız”.
E. Süleymanov A. Brassörü pres-relizə düzəliş etməyə və AŞPA-nın bu
məsələyə dair bütün gələcək mətbuat məqalələrini AŞPA Bürosunun
ifadə formasına uyğunlaşdırmağa çağırıb.
“Bu birtərəfli və yanlış mətbuat mətnləri vasitəsilə özünün erməni
ruhlu şəxsi siyasi gündəliyini açıq-aydın həyata keçirmək məqsədi
güdən, prezident kimi müsbət adınıza və AŞPA-nın nüfuzuna xələl
gətirən baş katibinizi AŞPA pres-relizlərinin baş redaktoru
vəzifəsindən çıxarmaq səlahiyyətiniz var. Hamımız bilirik ki,
AŞPA-nın internet səhifəsində rəsmi surətdə təsdiqlənməyən
sənədlər, yalnız bir şəxsin mütləq nəzarəti altında yazılan
pres-relizlər çox zaman böyük məruzələr və sərt qətnamələrlə
müqayisədə ictimai fikrə daha çox təsir edir. Gəlin buna ciddi
yanaşaq! Ümumiyyətlə, prezident kimi bilirsiniz ki, Avropa Şurası
Parlament Assambleyası hər hansı həssas məsələ ilə bağlı
ziddiyyətli siyasi terminologiyadan istifadə edərək, öz
etibarlılığına xələl gətirməməlidir. Bu müstəvidə AŞPA-nın rəsmi
qərarlarına uyğun olaraq, AŞPA siyasi terminologiyasında eynilik
zəruridir”, - deyə o, diqqətə çatdırıb.
Qeyd edək ki, müraciətin sürəti AŞPA Bürosunun bütün üzvlərinə, qurumun baş katibi Voysix Saviçkiyə, Avropa Şurasının Baş Katibi Tyoborn Yaqlanda da göndərilib.
Asif Nərimanlı
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi