Nida.az
“Miledi” ləqəbli kəşfiyyatçının Azərbaycan “sevgisinin” arxasındakı şəxsi qisas
“Bakı-2015” I Avropa Oyunlarının başlamasına 50 gündən də az vaxt qalıb. Hazırda bu möhtəşəm oyunların təşkili istiqamətində ciddi iş aparılır və demək olar ki, əsas mərhələ yerinə yetirilib. Bütün dünyanın gözü Azərbaycandadır və “Köhnə Qitə”nin tarixində qızıl hərflərlə yazılacaq oyunlara geriyə sayım başlayıb.
Lakin Azərbaycana dikilən gözlər arasında bu ölkə haqda mənfi rəy
formalaşdırmaq, kampaniya aparmaq istəyənlər də var. Mediada
yayılan məlumatlara görə, artıq qara piar kampaniyası başlayıb.
ABŞ-ın ermənipərəst dövlət katibi Con Kerrinin ofisindən idarə
olunan anti-Azərbaycan kampaniyasında diqqətçəkən detallar haqda
məlumatlar var.
Publika.az bu detallardan biri haqda araşdırma
aparıb. Söhbət Rebekka Vinsentdən gedir.
“Fevralın 15-də “İnsan hüquqları naminə idman” kampaniyası
layihəsi tam hazırlanaraq maliyyələşmə üçün aidiyyəti qurumlara
təqdim edilib. Məlumata görə, bəzi təkmilləşdirmələrdən sonra,
martın 31-də layihə təsdiq olunub və onun icrasına külli-miqdarda
vəsait ayrılıb. Kampaniya 10 ay ərzində - martın 1-dən dekabrın
31-nə kimi icra olunacaq. Bununla yanaşı, sənəddə qeyd olunur ki,
2016 və 2017-ci illərdə Azərbaycanda mühüm beynəlxalq tədbirlərin
keçiriləcəyi nəzərə alınaraq layihə daha da təkmilləşdirilərək və
tamamlanaraq davam etdirilə bilər. Kampaniyaya İnternational Media
Support (İMS) və Polşada yerləşən Helsinki İnsan Haqları Fondu
rəhbərlik edəcəklər. Layihənin icrası məqsədilə yaradılmış
katibliyin bu iki qurum və Açıq Cəmiyyət İnstitutu ilə birgə
fəaliyyət göstərəcəyi qeyd olunub. Kampaniyanın
maliyyələşdirilməsini NED, Soros Fondu və İMS həyata keçirir. Onu
da qeyd edək ki, layihənin əlaqələndiricisi qismində Rebekka
Vinsent təyin olunub”, - deyə yayılan məlumatda qeyd
olunur.
Rebekka Vinsent: vaxtilə ABŞ-ın Azərbaycandakı səfirliyində çalışan
bu xanım anti-Azərbaycan kampaniyalarının mahir ustası kimi ad
çıxarıb. 2012-ci ildə Bakıda keçirilən “Eurovision” mahnı
müsabiqəsində “Demokratiya naminə oxu” kampaniyası adı altında
müsabiqənin baş tutmaması üçün çox çalışdı. Lakin heç nə əldə edə
bilmədi və birbaşa dövlətin daxili işlərinə qarışdığı üçün ölkədən
çıxarıldı. Onun həyat yoldaşının Azərbaycanda fəaliyyət göstərən
xarici neft şirkətlərinin birində işlədiyi deyilir. Hətta o,
ölkədən çıxarılandan sonra “sevgilisindən ayrıldığı üçün”
Azərbaycan iqtidarını ittiham edirdi. Yəni onun Azərbaycana qarşı
kampaniyasının arxasında nə “demokratiya” sevdası, nə də “insan
haqları” arzuların deyil, məhz şəxsi qisas amili dayanır.
Rebekka Vinsent “Miledi” ləqəbini daşıyır və Rusiya mediasının
yazdığına görə bu və ya digər formada ABŞ kəşfiyyatına
bağlıdır.
Misal üçün, Rusiyanın nüfuzlu “Nezavisimaya qazeta” nəşri ötən il
yazırdı: “Rebekka Vinsent Avropa Oyunları ərəfəsində
Azərbaycana qarşı daha çox kəşfiyyat dairələri ilə bağlı olan yeni
strategiya üzərində işləyir. Bunu özü də inkar etmir. Oyunlar
ərəfəsində beynəlxalq diqqətin Bakıya tuşlanacağını və Azərbaycanda
insan hüquqlarının vəziyyətini öyrənəcəklərini bildirir. Bu zaman
Azərbaycanın problemlərinə uzaqdan baxmaq lazım gəlməyəcək. Bu
baxımdan, beynəlxalq cəmiyyətin konkret ölçülərini qəbul etmək
lazımdır. Əks təqdirdə, Oyunlardan sonra hər kəs öz dairəsinə
qayıdacaq”.
R. Vinsentin Bakıdakı fəaliyyəti zamanı “oturub-durduğu” şəxslər də
təsadüfi seçilməmişdi. Belə ki, o, hazırda dövlətə xəyanətdə
ittiham olunan Rəsul Cəfərov və məhz qaranlıq əməllərinə görə
istintaqa cəlb olunmaq qorxusundan qaçaraq Bakıdakı İsveç
səfirliyində gizlənən Emin Hüseynovla sıx təmasda olub. Hətta bu
xanımın E. Hüseynovla daha yaxın əlaqələrə malik olduğu haqda
informasiyalar var idi. Lakin o dəqiqdir ki, E. Hüseynov və Rəsul
Cəfərovun, həmçinin bu dairəyə bağlı bir çox şəxsin xarici
donorlarla təmin olunmasında R. Vinsentin ciddi yardımları
olub.
R. Vinsent indiyə qədər bütün fəaliyyətini Azərbaycana qarşı
yönəldib. Misal üçün, onun hazırda aktiv olmayan
“rebeccavincentconsulting.com” saytı fəaliyyət göstərirdi. Bu
saytda məqalələrin tamamilə hamısı Azərbaycan və ölkədəki
vəziyyətlə bağlı tənqidi yazılardan ibarət idi.
O, anti-Azərbaycan kampaniyasını sosial şəbəkələr üzərindən ciddi
şəkildə yerinə yetirir və bütün bunları öz şəxsi qisası üzərində
qurur.
Görünür, o artıq mükafatını alıb və anti-Azərbaycan kampaniyasında
əlaqələndirici kimi mühüm posta təyin olunub. Dünyanın diqqətinin
“Bakı-2015”-ə yönəldiyi bir vaxtda R. Vinsent və onun işlədiyi
anti-Azərbaycan dairələri üçün bu qaçırılmaz “fürsətdir”. Hansı ki,
“Eurovision-2012” zamanı bunun şahidi olduq. 3 il öncə baş tutmayan
“planlar” yenidən işə salınıb.
Asif Nərimanlı
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO