Nida.az
Ayaz Mütəllibov: “Şuşanın işğalı ilə bağlı bir sıra faktlar ortaya çıxıb”
“Şuşanın işğalı üçün bir sıra səbəblər vardı. Bu hadisələrin canlı şahidiyəm. O dövrdə baş verənləri yaxından izləyirdim. Elə indi də həmin proseslərlə bağlı bir sıra məqamları nəzərdən keçirirəm. Ortaya bəzi faktlar çıxıb”.
Bunu eks-prezident Ayaz Mütəllibov Publika.az-a Şuşanın işğalının ildönümü ilə bağlı açıqlamasında bildirib. Onun sözlərinə görə, ermənilər bu işğal üçün xarici qüvvələrin köməyindən istifadə ediblər: “Təəssüf ki, Şuşanın işğalında daxili səbəblər də müəyyən rol oynadı. Siyasi mübarizə, qruplaşmalar bu işğalın meydana çıxmasında müəyyən rol oynadı. İndi hər birimizin buna ürəyi yanır. Ancaq əminəm ki, Şuşanın işğaldan azad ediləcəyi gün uzaqda deyil”.
Qarabağın dilbər guşəsinin işğaldan azad edilməsi yollarından danışan eks-prezident bəzi məqamlara da toxunub: “Torpaqlarımızı hərbi yolla azad etməyin bir sıra çətinlikləri var. Müharibəyə başlamaq adi məsələ deyil. Gücümüz kifayət qədər olsa da, bunun üçün külli miqdarda vəsait tələb olunur. Gərək elə edək ki, hərb variantından danışa-danışa özümüzə qarşı mənfi rəy formalaşdırmayaq. Bəlkə də, düşmən özü bizim hücuma keçməyimizi istəyir. Ancaq bunun arxasında nə dayanır, sonrakı proseslər nədən ibarət olacaq – həmin məsələni də nəzərə almalıyıq. Ölkə prezidenti bu məsələdə çox böyük təmkinlilik nümayiş etdirir”.
Anar Tağıyev
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."