• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Yeni ildə əfv gözlənilir

  • Digər
  • 20 Dekabr 2014 16:33
  • 443 Baxış
Yeni ildə əfv gözlənilir

Dünya Azərbaycanlılarının Həmrəyliyi Günü və Yeni il bayramı ərəfəsində Azərbaycanda növbəti əfv sərəncamının imzalanması gözlənilir. Bir müddət öncə Ombudsman Elmira Süleymanova da jurnalistlərə açıqlamasında bayram ərəfəsində belə bir sərəncamın imzalanmasının gözlənilən olduğunu bildirmişdi.

İnsan Hüquqları üzrə Birgə İşçi Qrupunun üzvü Sahib Məmmədov Publika.az-a açıqlamasında artıq işçi qrup tərəfindən növbəti əfv sərəncamı ilə bağlı tövsiyələrin Əfv Məsələləri Komissiyasına təqdim edildiyini bildirib. Siyahıda hansı adların olduğunu açıqlamayan S. Məmmədovun sözlərinə görə, hər şey imzalanandan sonra məlum olacaq: "Biz təkliflərimizi vermişik. Lakin orada kimlərin adlarının olması dərc olunandan sonra məlum olacaq. Biz hələ gözləyirik. Sərəncam imzalanandan sonra təkliflərimizin nə dərəcədə nəzərə alındığını biləcəyik".

Qeyd edək ki, Azərbaycan Prezidenti İlham Əliyev məhkum edilmiş bir sıra şəxslərin əfv olunması haqqında sonuncu sərəncamı bu il oktyabrın 17-də imzalayıb. Sərəncam ümumilikdə 84 nəfərə, o cümlədən əfv olunmaları ilə bağlı müraciət edən "Nida" Vətəndaş Hərəkatının üzvləri Şahin Novruzlu, Bəxtiyar Quliyev, Elsevər Mürsəlli və hüquq müdafiəçisi Həsən Hüseynliyə də aid edilib.

Gülnar Əliyeva

Oxşar xəbərlər

Xəbər lenti

DAHA ÇOX XƏBƏR