Xarici borc öhdəliklərinin bank resurslarında xüsusi çəkisi cəmi 22 faizə çatıb

Bank sektorunun dayanıqlığının əsas indikatoru olan kapital adekvatlığı 12%-lik normaya qarşı 18,7% təşkil edir.

Mərkəzi Bankdan Publika.az-a verilən məlumata görə, bank sisteminin məcmu kapitalı cari ilin 11 ayında 21,3% artıb. Bank sektorunun likvidliyi yüksəlib. Öhdəlik və hesablaşmaların icrası fasiləsiz həyata keçirilib. Bank aktivlərinin keyfiyyət göstəriciləri qənaətbəxş səviyyədədir.

Real sektorun və əhalinin bank sisteminə vaxtı keçmiş borclarının portfeldə xüsusi çəkisi 5.5% təşkil edir. Bu da banklar tərəfindən yaradılmış ehtiyatlarla tam örtülür. Xarici borc öhdəliklərinin bank resurslarında xüsusi çəkisi cəmi 22%-dir. MB-dan o da qeyd edilir ki, cari ildə bankların mənfəəti ötən illə müqayisədə 23% artıb. Sistemin aktivlərinin gəlirliliyi 2%, kapitalın gəlirliyi isə 13,8% təşkil edib.

İqtisadiyyat şöbəsi