Qırmızı.az
“İlham Əliyev. İnkişaf - məqsədimizdir” çoxcildliyinin on beşinci cildi çapdan çıxıb
"Bildiyiniz kimi, danışıqlar davam edir və Azərbaycanın mövqeyində heç bir dəyişiklik yoxdur və olmayacaqdır. Mən bunu dəfələrlə bəyan etmişəm, bu gün də deyirəm: Azərbaycanın ərazi bütövlüyü danışıqlar mövzusu deyil və heç vaxt olmayacaqdır. Məsələ yalnız və yalnız beynəlxalq hüquq normaları əsasında öz həllini tapmalıdır və Azərbaycan bu mövqedən bir addım da geri çəkilməyəcəkdir. Yəni, Azərbaycanın ərazi bütövlüyü məsələsində heç bir güzəşt olmayacaqdır. Heç bir qərar qəbul edilməyəcək ki, nə bu gün, nə sabah, nə də yüz ildən sonra imkan yaransın ki, Dağlıq Qarabağ Azərbaycandan ayrılsın. Bir daha deyirəm, bu məsələ danışıqlar mövzusu deyildir".
AzərTAc xəbər verir ki, bu sözlər yenicə çapdan çıxmış "İlham
Əliyev. İnkişaf - məqsədimizdir" çoxcildliyinin on beşinci cildində
dövlətimizin başçısının sədrliyi ilə Nazirlər Kabinetinin 2005-ci
ilin sosial-iqtisadi yekunlarına həsr
olunmuş iclasındakı nitqindən götürülmüşdür.
Nəşrin buraxılışına məsul Azərbaycan
Respublikasının Prezidenti Administrasiyasının rəhbəri, akademik
Ramiz Mehdiyevdir.
Prezident İlham Əliyevin oxuculara təqdim olunan çoxcildliyinin bu
cildində Azərbaycanın uğurla aparılan xarici siyasətinə, ölkənin
iqtisadi potensialının möhkəmlənməsinə, ordu quruculuğuna,
regionların sosial-iqtisadi inkişaf proqramının həyata
keçirilməsinə, cəmiyyətimizin demokratikləşdirilməsi istiqamətində
önəmli nailiyyətlərə, eyni zamanda, ictimai-siyasi həyatın digər
sahələrinə dair nitqləri, çıxışları,
tövsiyələri öz əksini tapmışdır.
Cilddə Prezident İlham Əliyevin Fransaya işgüzar səfəri zamanı
Prezident Jak Şirak, ATƏT-in Minsk qrupu həmsədrlərinin iştirakı
ilə Ermənistan prezidenti R.Köçəryanla görüşlərində
Ermənistan-Azərbaycan, Dağlıq Qarabağ münaqişəsinin sülh yolu ilə
həllinə dair müzakirələrin materialları, Bakıya gəlmiş bir sıra
xarici dövlət və hökumət, beynəlxalq təşkilatların nümayəndələri
ilə görüşləri, KİV-lərə verdiyi bəyanat və müsahibələri
toplanmışdır.
Kitabda, həmçinin Azərbaycanda "Rusiya
ili"nin təntənəli açılış mərasimində iştirak etmək üçün Prezident
Vladimir Putinin Bakıya səfəri, eyni zamanda, Prezident İlham
Əliyevin Yaponiyaya rəsmi səfəri zamanı bu ölkənin dövlət
xadimləri, şirkət rəhbərləri, nüfuzlu dairələrin nümayəndələri ilə
keçirdiyi görüşlərə, danışıqlara dair materiallar, Yaponiya
televiziyasına verdiyi geniş müsahibə öz əksini tapmışdır.
Bu cilddə, həmçinin Azərbaycan Prezidenti İlham Əliyevin
respublikanın Ağdam, Tərtər və Bərdə
rayonlarına səfərləri, bu səfərlər çərçivəsində bir sıra sosial,
mədəniyyət və digər obyektlərin açılışında iştirakı, həmin
rayonların ictimaiyyəti ilə görüşlərindən bəhs edən materiallar yer
almışdır.
Kitaba "Qeydlər", "Şəxsi adlar" "Coğrafi adlar" göstəriciləri də
daxil edilmişdir.
On beşinci cildə daxil olan materiallar 2005-ci ilin dekabrından
2006-cı ilin martınadək olan dövrü əhatə edir.
"Azərnəşr" tərəfindən buraxılmış cildin hazırlanmasında Azərbaycan
Dövlət Teleqraf Agentliyinin (AzərTAc-ın) materiallarından istifadə
olunmuşdur.
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"