Qırmızı.az
"Mənə cinsi iftiralar atırlar"- Adnan Oktar Publika.az-a danışdı - Özəl
Türkiyədə Harun Yəhya kimi tanınan İslam alimi, “Texniki və Elmi Araşdırma” və “Milli Dəyərlərin Mühafizəsi” Vəqfinin qurucusu və fəxri sədri Adnan Oktar Publika.az -a eksklüziv müsahibəsində Azərbaycan mediasında yayılan iddialara cavab verib.
- Adnan bəy, sizin Azərbaycanda telekanal açacağınıza dair xəbərlər yayılır. Belə bir niyyət varmı?
- Hazırda dostlarımın Azərbaycanda televiziya kanalı açmaqla bağlı niyyətləri yoxdur. Bizim kanalımız A9 peyk üzərindən yayımlandığı üçün onsuz da bir çox ölkədə asanlıqla izlənilir. Bundan başqa internet üzərindən həyata keçirdiyimiz yayın da dünyanın dörd bir yanında çox sıx olaraq izlənilir. Azərbaycan da bu ölkələrin ən başında olanlardandır. Dolayısı ilə biz azəri qardaşlarımıza A9 kanalı vasitəsilə asanlıqla çata bilirik.
- Azərbaycan mediasına sizin haqqınızda müxtəlif spamlar gəlir. İddia olunur ki, siz azərbaycanlı qızları aldadıb yoldan çıxarırsınız, onlardan yaratdığınız hərəmxanalarda istifadə edirsiniz. Bu iddialarla bağlı nə deyə bilərsiniz?
- Siz də çox yaxşı bilirsiniz ki, mən 70 dilə tərcümə edilmiş
300-dən çox əsəri olan və Amerikanın Georgetown Universitetinə
bağlı olan Müsəlman-Xristian Dialoq Mərkəzi və İslami Strateji
Araşdırma Mərkəzi tərəfindən 2009, 2010, 2011 və 2012-ci illərdə
dünyanın ən nüfuzlu müsəlmanları arasında seçilən bir insanam.
İllərdir apardığım araşdırmalar, kitablarım və açıqlamalarıma görə
bir çox təbəqəni qarşıma aldım. Bunların arasında ateist-masonlar,
darvinistlər, kommunistlər, dərin mafiyalar, terror qrupları, PKK
kimi separatçı təşkilatlar var. Bu qaranlıq çevrələr illərdir
apardığım araşdırmaları və insanları İslam əxlaqına dəvət etmək
üçün maarifləndirmə fəaliyyətlərimin qarşısını almaq üçün mənə
yönəlik müxtəlif kampaniyalar aparılıb, tələlər qurulub. Mənim və
dostlarım haqqında azəri mediasınjda çıxan xəbərlər də bu qaranlıq
çevrələrin illərdir apardıqları qarayaxma kampaniyalarının çirkin
bir davamından başqa bir şey deyil.
Sizlər də çox yaxşı bilirsiniz ki, tanınmış və xalqa bağlı bir
şəxsi etibardan salmaq, adını qaralamaq və xalqın gözündən salmaq
məqsədilə istifadə edilən ən klassik vatisələrdən biri cinsi
məzmunlu iftiralardan istifadə etməkdir.
Lakin ortada bu iftiraları təsdiqləyəcək bir dənə də şahid,
şikayətçi və ya zərərçəkmiş yoxdur. Eyni qaranlıq çevrələr yalan və
xəyali məktublar yazıb, sağa-sola yollayaraq öz aləmlərində mənim
etibarımı zədələməyə və fəaliyyətimə mane olmağa çalışırlar. Hansı
ki, mənə daha öncə də bu yöndə iftiralar atıldı, lakin Türkiyə
Cümhuriyyəti məhkəmələri bu səpkili iddiaların hamısını rədd etdi.
Azəri mediasında yer alan iddialar üçün də eyni durum keçərlidir.
Ortada bu iddiaları təsdiq edə biləcək bir dəlil, şahid yoxdur.
Mənə atılan cinsi məzmunlu iftiralar darvinistlərin yaşadığı bu
böyük narahatlığının hər zaman bir nümunəsidir. Ateistlər və
darvinist qrup nə vaxt məğlub olacağını hiss etsə toplumun ən
həssas nöqtəsi olan intim iftiralara üz tutur. Onsuz da azəri
qardaşlarımız bu iftiralara heç bir zaman inanmırlar, onlar
həqiqətləri çox yaxşı bilirlər.
- İddiaların bir qismi də sizin Azərbaycanda yaşayan
ermənilərin sayı və dövlətlə bağlılığı barədə araşdırma
apardığınıza dairdir. Bu barədə nə deyə bilərsiniz?
- Bunlar da azəri qardaşlarımızın və Azərbaycan hökumətinin həssas
olduğu nöqtələri istifadə edərək mənim və dostlarımızın əleyhinə
çevirmək məqsədilə atılan iftiralardır. Mən hər zaman çıxışlarımda
və əsərlərimdə Azərbaycanla Türkiyənin bir millət və bir dövlət
olduğu üzərində dayandım, bu iki ölkənin bir an öncə birləşməsinin
vacibliyini vurğuladım. Hər zaman Azərbaycanın daha güclü olması,
Azərbaycan xalqının daha rifah yaşaması və daha azad olmasının
istədim.
Asif Nərimanlı
-
İnanc23:02
Həcc ziyarəti ilə bağlı zəvvarlara XƏBƏRDARLIQ
-
Region22:37
Başqa çıxış yolumuz yoxdur - Paşinyan
-
Hadisə21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin121:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO