Qırmızı.az

İstirahət mərkəzindəki faciə ilə bağlı cinayət işi açıldı

24 May 2014 12:22

Qobustanda istirahət mərkəzində baş verən faciəli hadisə ilə bağlı cinayət işi başlanıb.

Qobustan rayon prokurorunun köməkçisi Eldəniz Əhmədov bildirib ki, hadisə ilə bağlı Cinayət Məcəlləsinin 124.1-ci (ehtiyatsızlıqdan adam öldürmə) və 314.2-ci (səhlənkarlıq – zərərçəkmiş şəxsin ölümünə səbəb olduqda) maddələri ilə cinayət işi başlanıb.

Qeyd edək ki, məlum hadisə mayın 23-də Qobustan rayonundakı İstirahət-əyləncə Mərkəzində qeydə alınıb. Bakı Oksford Məktəbinin müəllim və şagirdlərinin əyləndiyi elektromobil (“Elektrokar”) aşıb. Nəticədə maşında olan 10 yaşlı Qorçu Dəniz Tərlan qızı hadisə yerində dünyasını dəyişi

Məktəbin digər şagirdi – 12 yaşlı Hacızadə Ayla Rövşən qızı və məktəbin müəlliməsi, 1971-ci il təvəllüdlü Əzizova Aytən Faiq qızı müxtəlif bədən xəsarətləri alıblar.

10 yaşlı Qorçu Dəniz tanınmış rejissor Tərlan Qorçunun qızıdır.(anspress.com)