“Neftçalada Yanvar qırğını”

İbrahim Nurlu 1990-cı il 25 yanvar hadisələri zamanı əlil olmuş Nefçala rayon sakini Ələkbər Talıbov haqqında“Neftçalada Yanvar qırğını”adlı kitab yazıb.

Publika.Az-ın verdiyi xəbərə görə, kitabda həmçinin 1990-cı il 25-26 yanvar faciəsi zamanı Neftçalada zərər çəkmiş 30 nəfər barədə də məlumat verilib.

Müəllim həmin günlərdə rayonda yaşanan hadisələri, eyni zamanda Ə.Talibovun keçdiyi döyüş yolu ətraflı əks olunub.

Döyüş zamanı 10 nəfər Ramiz Cəfər oğlu Hüseynov, Novruz Allahverdi oğlu Dadaşov, Ələkbər Məmmədəli oğlu Talıbov, Bəxtiyar Ağahüseyn oğlu Ağayev, Məhəmməd Təzəxan oğlu Fərziyev, Fərman Kamran oğlu Hüseynov, Oktay Əbilhəsən oğlu Orucov, Əliheydər Xanəhəd oğlu Məmmədov, Abdulla Xanalı oğlu Ağayev, İmamverdi Ağaməhəmməd oğlu Zeynalov yaralanıb.

Xatırladaq ki, 1992-ci il, Qara yanvarın ikinci ilində Azərbaycan Respublikasının “Azadlıq uğrunda mübariz” Fəxri adının müəyyən edilməsi haqqında Azərbaycan respublikası qanunu təsdiq edilib.

1990-cı ilin yanvar hadisələri zamanı Bakı şəhərinə və respublikanın bir sıra rayonlarına keçmiş SSRİ Silahlı Qüvvələrinin təcavüzkar basqını zamanı yüksək vətəndaşlıq, mərdlik və hünər nümunələri göstərərək Azərbaycanın istiqlaliyyəti uğrunda yaralanmış bir qrup şəxsə Azərbaycan Respublikasının “Azadlıq uğrunda mübariz” fəxri adı verilib.

Neftçala rayonu üzrə aşağıdakılar bu ada layiq görülüblər:

1. Ağahüseynov Nürəddin Aslan oğlu (ölümündən sonra)

2. Cəfərov Əbülfəz Böyükağa oğlu (ölümündən sonra)

3. Orucov Şəmsəddin Əbilhəsən oğlu (ölümündən sonra)

4. Ağayev Bəxtiyar Ağahüseyn oğlu

5. Talıbov Ələkbər Məmmədəli oğlu

6. Dadaşov Novruz Allahverdi oğlu

7. Məmmədov Əliheydər Xanəhəd oğlu

8. Nəcəfov Nizami Əbil oğlu

9. Hüseynov Natiq Mirzağa oğlu

10. Hüseynov Fərman Kamran oğlu

11. Hüseynov Ramiz Cəfər oğlu

12. Fərziyev Məhəmməd Təzəxan oğlu

Talıbov Ələkbər Məmmədəli oğlu ailəlidir, 2 oğlu, 1 qızı var. Böyük oğlu Sübhan Talıblı gənc alimdir, tarix üzrə fəlsəfə doktorudur, qızı Qönçə Talıblı həkimdir, kiçik oğlu Pünhan Talıblı isə kiçik bizneslə məşğul olur.

Hazırda Azərbaycan Respublikası Fövqəladə Hallar Nazirliyində gəmi kapitanı vəzifəsində çalışır.